مُکاشفہ 1:17 - کِتاب مُقدّس سرائیکی ترجمہ

¹⁷ اُونکُوں ڈیکھ تے مَیں اُوندے پیراں ءچ بے جان جِیہا تھی تے ڈھے پِیا، پر اُوں آپنڑا سجا ہتھ میڈے اُتے رکھیا تے آکھیا جو ”خوف نہ کر، مَیں اوّل تے آخر ہاں۔

مُکاشفہ 1:17 Referans Kwoze

مُکاشفہ 22:13

الفا تے اومیگا، اوّل تے آخر، ابتدا تے اِنتہا مَیں ہاں۔

مُکاشفہ 2:8

سمُرنہ دی کلیسیا دے فرشتہ کُوں ایہ لِکھ جو جیہڑا اوّل تے آخر ہے تے جیہڑا مر گِیا ہا تے ولا زندہ تھی گئے، او فرمیندے جو

مُکاشفہ 1:8

خُداوند خُدا جیہڑا ہے، جیہڑا ہا تے جیہڑا آوݨ آلا ہے یعنی قادر ِ مُطلق فرمیندے، ”الفا تے اومیگا مَیں ہاں۔“

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“

متّی 28:4

اُوندے ڈر تُوں پہرے دار کمب گئے تے مُردے وانگُوں تھی گئے۔

یُوحنّا 21:20

پطرس مُڑ تے اُوں شاگرد کُوں پِچُھوں آندے ڈِٹھا جِینکُوں یسُوع عزیز رکھیندا ہا تے جئیں شام دے کھانڑے ویلے یسُوع دو جُھک تے پُچھیا ہا، ”مالک! او کوݨ ہے جیہڑا تُہاکُوں پکڑویسی؟“

یُوحنّا 13:23

اُوندے شاگرداں ءچوں ہِک بندہ جِینکُوں یسُوع عزیز رکھیندا ہا، دسترخوان اُتے اُوندے بالکل نال بیٹھا ہا۔

متّی 14:27

پر یسُوع اُنہاں کُوں فوراً آکھیا، ”حوصلہ رکھو۔ مَیں ہاں۔ ڈرو نہ۔“

متّی 28:5

فرشتے عورتاں کُوں آکھیا، ”نہ ڈرو۔ مَیں جانڑدا ہاں جو تُساں یسُوع کُوں گولھیندیاں ہیوے جیہڑا مصلُوب تھیّا ہا۔

مُکاشفہ 1:4

ایہ پیغام یُوحنّا دی طرفوں، اُنہاں سَت کلیسیاواں دے ناں ہے جیہڑیاں آسِیہ صوبے ءچ ہِن۔ تُہاکُوں اُوندی طرفوں فضل تے اِطمینان حاصل تھیندا راہوے، جیہڑا ہے، جیہڑا ہا تے جیہڑا آوݨ آلا ہے، تے اُنہاں سَت رُوحاں دی طرفوں جیہڑیاں اُوندے تخت دے سامنڑے ہِن،