فِلِپّیوں 4:5 - کِتاب مُقدّس سرائیکی ترجمہ

⁵ تُہاڈی نرم دِلی سارے لوکاں اُتے ظاہر تھیوے۔ یاد رکھو جو خُداوند آوݨ آلا ہے۔

فِلِپّیوں 4:5 Referans Kwoze

متّی 6:25

اِیہو وجہ ہے جو مَیں تُہاکُوں آدھا ہاں جو نہ تاں آپنڑی زندگی دی فِکر کرو جو کیا کھاسوں یا کیا پی سُوں، نہ آپنڑے تَن دی جو کیا پیسُوں؟ کیا جان خوراک کنُوں تے بدن پُشاک کنُوں ودھ تے نئیں؟

طِطُس 3:2

کہیں دی بدگوئی نہ کرݨ، تکراری نہ ہووݨ بلکہ نرم دل ہووݨ تے سبھ لوکاں نال بہُوں حلیمی نال پیش آوݨ۔

عبرانیوں 10:37

کیوں جو ہُنڑ تھوڑی جیہی دیر باقی ہے جو ”آوݨ آلا آ ویسی، تے دیر نہ لیسی۔

1 پطرس 4:7

سبھ چیزاں دے خاتمے دا وقت نیڑے ہے۔ اِیں واسطے دُعا کرݨ کیتے سنجیدہ تے ہوشیار راہو۔

1کُرِنتھِیوں 6:7

اصل ءچ تُہاڈی وڈی غلطی ایہ ہے جو تُساں آپس ءچ مقدمہ بازی کریندے ہیوے۔ کیا اِیں تُوں ظلم برداشت کرݨ چنگا نئیں؟ کیا اِیں تُوں نُقصان قبول کرݨ چنگا نئیں؟

عبرانیوں 10:25

آپس ءچ میل جول رکھنڑ نہ چھوڑوں جِینویں کُجھ لوکاں دی عادت بنڑ گئی ہے بلکہ اساں ہِک ڈُوجھے کُوں مزید حوصلہ ڈیؤں خاص کر ایہ ڈیدھے ہوئے جو مسیح دے واپس آوݨ دا ڈینہہ نیڑے آندا پِیا ہے۔

مُکاشفہ 22:7

”ڈیکھ، مَیں جلدی آوݨ آلا ہاں۔ مُبارک ہے او جیہڑا اِیں نبُوّت دے گالھیں اُتے عمل کریندے۔“

1کُرِنتھِیوں 8:13

اِیں واسطے جے میڈا کھانڑا میڈے مسیحی بِھرا کیتے تُھڈا لگنڑ دا سبب ہے تاں مَیں گوشت کڈھائیں نہ کھاساں تاں جو آپنڑے بِھرا کیتے تُھڈا لگنڑ دا سبب نہ بنڑاں۔

متّی 6:34

بس کل دی فِکر نہ کرو کیوں جو کل دا ڈینہہ آپنڑی فِکر آپ ای کر گِھن سی۔ اَج کیتے اَج دا ڈُکھ کافی ہے۔“

مُکاشفہ 22:20

اِنہاں گالھیں دی گواہی ڈیوݨ آلا فرمیندے، ”بے شک مَیں جلدی آوݨ آلا ہاں۔“ ”آمین! ہا، اے خُداوند یسُوع آ۔“

1 پطرس 1:11

اُنہاں پتا کرݨ دی کوشش کیتی جو مسیح دا رُوح جیہڑا اُنہاں ءچ ہا، کیندے دو تے کیہڑے وقت دو اِشارہ کریندا پِیا ہا، جِیں ویلے اُوں مسیح دے ڈُکھ سہنڑ، تے بعد ءچ جلال پاوݨ دی پیشنگوئی کیتی ہئی۔

1کُرِنتھِیوں 9:25

مُقابلہ ءچ حصہ گِھننڑ آلے ہر طرحاں دا پرہیز کریندے ہِن۔ او لوک ہِک مُرجھاوݨ آلا ہار حاصل کرݨ کیتے اِینویں کریندے ہِن، پر اساں اُوں ہار کیتے اِینویں کریندے ہیں جیہڑا کڈھائیں نہ مُرجھیسی۔

2تھِسّلُنیکیوں 2:2

جو جڈاں لوک دعویٰ کرݨ جو کہیں اِلہام یا پیغام تُوں یا ساڈی طرفوں کہیں خط تُوں پتا چلے جو خُداوند دے واپس آوݨ دا ڈینہہ آ گئے تاں تُساں پریشان نہ تھیوائے تے نہ گھبرائے۔

لُوقا 21:34

بس خبردار راہو، اِینویں نہ تھیوے جو تُہاڈے دل عیاشی تے شراب پِیوݨ تے اِیں زندگی دیاں فِکراں ءچ سُست تھی ونجنڑ تے او ڈینہہ تُہاڈے اُتے پھندے وانگُوں اچانک آ ونجے۔

1کُرِنتھِیوں 16:22

جیہڑا کوئی خُداوند نال محبت نئیں رکھیندا، اُوندے اُتے لعنت۔ ساڈا خُداوند آوے!

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔