فِلِپّیوں 3:8 - کِتاب مُقدّس سرائیکی ترجمہ

⁸ بلکہ میڈے کیتے آپنڑے خُداوند یسُوع مسیح کُوں جانڑن اِتنی قیمتی گالھ ہے جو اُوندے مُقابلہ ءچ ڈُوجھیاں سبھ چیزاں کُوں نُقصان سمجھدا ہاں۔ اُوندی خاطر مَیں سبھ چیزاں دا نُقصان برداشت کیتے تے اُنہاں کُوں کُوڑا سمجھدا ہاں تاں جو مسیح کُوں حاصل کر گِھناں،

فِلِپّیوں 3:8 Referans Kwoze

رومیوں 8:18

مَیں سمجھدا ہاں جو جیہڑے ڈُکھ اساں اِیں زمانے ءچ سہندے پئے ہیں، اُوں جلال دے مُقابلے ءچ کُجھ وی نئیں جیہڑا ساڈے اُتے ظاہر تھیوݨ آلا ہے۔

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

فِلِپّیوں 3:7

پر جیہڑا کُجھ پہلے میڈے کیتے نفع دا سبب ہا، مَیں اُونکُوں مسیح دی خاطر نُقصان سمجھ گِھدے۔

یُوحنّا 17:3

تے ہمیشاں دی زندگی ایہ ہے جو او تَیں خُدائے واحد تے برحق کُوں تے یسُوع مسیح کُوں جِینکُوں تُوں بھیجیا ہے، جانڑن۔

فِلِپّیوں 3:10

مَیں مسیح کُوں تے اُوندے زندہ تھیوݨ دی قُدرت کُوں جانڑنڑاں، اُوندے نال ڈُکھاں ءچ شریک تھیوݨ تے اُوندی موت ءچ اُوندے جِیہا بنڑنڑاں چاہندا ہاں،

2 پطرس 1:3

خُدا دی اِلٰہی قُدرت ساکُوں او سبھ چیزاں ڈِتیاں جیہڑیاں دیندار زندگی کیتے ضروری ہِن۔ تے ایہ ساکُوں اُوندی پچھاݨ دے وسیلے نال مِلیاں، جئیں ساکُوں آپنڑے جلال تے نیکی دے ذریعے سڈے۔

1کُرِنتھِیوں 2:2

کیوں جو مَیں فیصلہ کر گِھدا ہا جو تُہاڈے ءچ یسُوع المسیح بلکہ اُوندے صلیب اُتے چڑھائے ونجنڑ دی تبلیغ دے علاوہ کوئی بئی گالھ نہ کریساں۔

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔

یُوحنّا 17:8

کیوں جو جیہڑا کلام تَیں میکُوں ڈِتے او مَیں اُنہاں تئیں پُچا ڈِتے تے اُنہاں اُونکُوں قبول کر تے حقیقی طور تے جاݨ گِھدے جو مَیں تیڈی طرفوں آیا ہاں تے او اِیمان گِھن آئے جو تُوں ای میکُوں بھیجیا ہے۔

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

عبرانیوں 3:14

کیوں جو اساں مسیح ءچ شریک تھی گئے ہیں پر شرط ایہ ہے جو جیہڑا اعتماد اساں شروع ءچ کریندے ریہے ہیں اُوندے اُتے آخر تئیں مضبوطی نال قائم راہوں۔

2کُرِنتھِیوں 4:6

کیوں جو خُدا ای ہے جئیں فرمائے جو ”اندھارے ءچوں نُور چمکے“ تے اُوں ای ساڈے دِلاں ءچ آپنڑا نُور چمکایا تاں جو اساں خُدا دے جلال دے نُور کُوں پچھاݨ سگوں جیہڑا یسُوع مسیح دے چہرے تُوں ظاہر تھیندے۔

یُوحنّا 14:7

جے تُساں میکُوں جاݨ گِھدا ہوندا تاں میڈے باپ کُوں وی جانڑدے۔ ہُنڑ تُساں اُونکُوں جاݨ گئے ہیوے بلکہ اُونکُوں ڈیکھ گِھدے۔“

اِفِسیوں 4:13

جئیں تئیں اساں سارے اِیمان تے خُدا دے پوتر دی پچھاݨ ءچ ہِک تھی تے بالغ نہ بنڑ ونجُوں، یعنی مسیح دی پُوری کاملیت تئیں پُج نہ ونجُوں۔

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

1 یُوحنّا 1:3

جیہڑا کُجھ اساں ڈِٹھا تے سُنڑیا، اُوندی خبر تُہاکُوں ڈیندے ہیں تاں جو تُساں وی اِیں رفاقت ءچ ساڈے نال شریک تھیؤ۔ تے ساڈی رفاقت تاں باپ تے اُوندے پوتر یسُوع مسیح دے نال ہے۔

2 تِیمُتھِیُس 4:6

کیوں جو میں تاں انگُور دے رَس وانگُوں قُربان گاہ اُتے نذر دے طور تے وِیٹیا ویندا پِیا ہاں تے میڈے اِیں دُنیا تُوں کُوچ دا وقت آ گئے۔

یُوحنّا 20:28

توما اُونکُوں آکھیا، ”میڈے خُداوند! میڈے خُدا!“

یُوحنّا 16:3

تے او ایہ اِیں واسطے کریسن جو اُنہاں نہ تاں باپ کُوں جانڑیا نہ میکُوں۔

1 یُوحنّا 2:19

ایہ لوک ساڈے ءچوں نِکلے تاں ہِن پر اصل ءچ ساڈے ءچوں نہ ہَن۔ جے ساڈے ءچوں ہوندے تاں ساڈے نال راہندے۔ پر اُنہاں دے نِکل ونجنڑ تُوں ثابت تھی گئے جو او ساڈے ءچوں نہ ہَن۔

1 پطرس 2:7

تُساں اِیمان گِھن آوݨ آلیاں کیتے تاں او قیمتی ہے پر اِیمان نہ گِھن آوݨ آلیاں کیتے نئیں، جِینویں جو لِکھیا ہے جو ”جِیں پتھر کُوں مِستریاں رَد کر ڈِتا اُوہو کونے دے سرے دا پتھر تھی گِیا۔“

گلتِیوں 1:16

تاں آپنڑے پوتر کُوں میڈے اُتے ظاہر کیتا تاں جو مَیں غیر قوماں کُوں اُوندی خوشخبری سُنڑاواں۔ اُوں ویلے مَیں خون تے گوشت کنُوں صلاح نہ گِھدی،

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

1کُرِنتھِیوں 9:10

کیا او خاص کر ایہ ساڈے کیتے نئیں آدھا؟ ہاں ایہ ساڈے کیتے لِکھیا گئے کیوں جو ہَل وہاوݨ آلا اُمید اُتے ہَل وہیندے تے گہاوݨ آلا اُمید اُتے گہیندے جو میکُوں فصل دا کُجھ حصہ ضرور مِلسی۔

یُوحنّا 20:13

فرشتیاں اُونکُوں آکھیا، ”بی بی! تُوں کیوں روندی ہیں؟“ اُوں آکھیا، ”او میڈے مالک کُوں چا تے گِھن گئے ہِن تے میکُوں پتہ نئیں جو اُونکُوں کِتھاں رکھے۔“

لُوقا 11:20

پر جے مَیں خُدا دی قُدرت نال بدرُوحاں کُوں کڈھیندا ہاں تاں خُدا دی بادشاہی تُہاڈے کولھ آݨ پُجی۔

لُوقا 1:43

میڈے اُتے ایہ فضل کِتھوں تھیّا جو میڈے خُداوند دی ماء میڈے کولھ آئی؟

رومیوں 8:39

نہ فرشتے، نہ حکومتاں، نہ حال دیاں نہ مُستقبل دیاں چیزاں، نہ قُدرت، نہ بُلندی، نہ پستی نہ کوئی بئی مخلوق۔

فِلِپّیوں 1:1

ایہ خط مسیح یسُوع دے خادماں پولُس تے تِیمُتِھیُس دی طرفوں، نگہباناں تے کلیسیا دے اِنتظام کرݨ آلیاں سمیت فِلپی دے سارے مُقدّساں دے ناں ہے جیہڑے یسُوع المسیح دے ہِن۔

فِلِپّیوں 3:12

میڈا مطلب ایہ نئیں جو مَیں ایہ سبھ کُجھ پا گِھدے یا کامِل تھی گِیا ہاں بلکہ مَیں او سبھ کُجھ پاوݨ کیتے بھجدا ویندا پِیا ہاں جیندے کیتے یسُوع مسیح میکُوں پکڑیا ہا۔

2 پطرس 1:2

خُدا تے ساڈے خُداوند یسُوع دی پچھاݨ دے سببّوں تُہاکُوں ڈھیگ سارا فضل تے اِطمینان حاصل تھیندا راہوے۔

2 پطرس 1:8

کیوں جو جے ایہ خُوبیاں تُہاڈے ءچ موجود ہووݨ تے ودھدیاں ونجنڑ تاں او تُہاکُوں ساڈے خُداوند یسُوع مسیح کُوں پچھانڑن ءچ بے کار تے بے پھل نہ ہووݨ ڈیسن۔