فِلِپّیوں 3:17 - کِتاب مُقدّس سرائیکی ترجمہ

¹⁷ بِھراؤ! تُساں سارے میڈے نمونے اُتے ٹُرو تے اُنہاں لوکاں اُتے غور کرو جیہڑے ساڈے ڈِتے ہوئے نمونہ اُتے ٹُردے ہِن۔

فِلِپّیوں 3:17 Referans Kwoze

فِلِپّیوں 4:9

جیہڑا کُجھ تُساں میں تُوں سِکھیا، حاصل کیتا، سُنڑیا تے میڈے ءچ ڈِٹھا، اُوندے اُتے عمل کریندے راہو۔ تے خُدا جیہڑا اِطمینان دا چشمہ ہے تُہاڈے نال راہسی۔

1کُرِنتھِیوں 4:16

بس مَیں تُہاڈی مِنت کریندا ہاں جو میڈے نمونے اُتے ٹُرو۔

1 پطرس 5:3

تے جیہڑے لوک تُہاڈے سپُرد ہِن اُنہاں اُتے حُکم نہ چلاؤ بلکہ اِجڑ کیتے چنگا نمونہ بنڑو۔

2تھِسّلُنیکیوں 3:9

اِیں واسطے نئیں جو ساڈا تُہاڈے اُتے کوئی حق نہ ہا بلکہ اِیں واسطے جو ایجھا نمونہ پیش کرُوں جیندے اُتے تُساں چل سگو۔

عبرانیوں 13:7

آپنڑے راہنماواں کُوں یاد رکھو جِنہاں تُہاکُوں خُدا دا کلام سُنڑایا۔ اُنہاں دی زندگی دے انجام اُتے غور کرو تے اُنہاں دے اِیمان دے نمونے اُتے ٹُرو۔

1 تِیمُتھِیُس 4:12

کوئی وی تیڈی جوانی دی وجہ تُوں تیکُوں حقیر نہ سمجھے بلکہ تُوں کلام کرݨ، چال چلنڑ، محبت، اِیمان تے پاکیزگی ءچ اِیمانداراں کیتے نمونہ بنڑ۔

2تھِسّلُنیکیوں 3:7

تُساں خود جانڑدے ہیوے جو تُہاکُوں ساڈے نمونے اُتے کِینویں چلنڑا چاہیدے، کیوں جو اساں تُہاڈے وچال آلسی نہ ہسے،

1کُرِنتھِیوں 10:32

تُساں نہ یہُودیاں کیتے نہ یُونانیاں کیتے تے نہ ای خُدا دی کلیسیا کیتے تُھڈا کھاوݨ دا سبب بنڑو۔

2تھِسّلُنیکیوں 3:14

جے کوئی ساڈے اِیں خط ءچ لِکھی ہوئی نصیحت اُتے عمل نہ کرے تاں اُوندے اُتے نظر رکھو تے اُوندے نال تعلق چھوڑ ڈیؤ تاں جو او شرمسار تھیوے۔

1تھِسّلُنیکیوں 1:6

بھانویں سخت مُصیبت آئی، وَل وی تُساں کلام کُوں رُوح القُدس دی ڈِتی ہوئی خوشی نال قبول کر تے ساڈے تے خُداوند دے نمونے اُتے چلنڑ آلے بنڑ گئے۔

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

1کُرِنتھِیوں 11:1

تُساں میڈے نمونے اُتے ٹُرو جِینویں مَیں مسیح دے نمونے اُتے ٹُردا ہاں۔