فِلِپّیوں 2:30 - کِتاب مُقدّس سرائیکی ترجمہ

³⁰ کیوں جو او مسیح دی خدمت دی خاطر مرݨ آلا ہا۔ اُوں آپنڑی جان خطرے ءچ پا ڈِتی تاں جو او میڈی او خدمت کرے جیہڑی تُساں نہ کر سگے۔

فِلِپّیوں 2:30 Referans Kwoze

1کُرِنتھِیوں 16:17

مَیں ستِفناس، فرتُوناتُس تے اخیکُس دے آوݨ تُوں خوش ہاں کیوں جو اُنہاں میڈی مدد کر تے تُہاڈی غیر حاضری دی کمی کُوں پُورا کر ڈِتا۔

فِلِپّیوں 4:10

مَیں خُداوند ءچ بہُوں خوش ہاں جو اِتنے عرصے بعد تُساں ولا میڈی فِکر کیتی ہے۔ بے شک تُہاکُوں پہلے وی فِکر ہئی پر تُہاکُوں کُجھ کرݨ دا موقع نہ مِلیا۔

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

فِلِپّیوں 4:18

میڈے کولھ سبھ کُجھ ہے بلکہ ضرورت تُوں زیادہ ہے۔ تُہاڈیاں بھیجیاں ہوئیاں شیواں اِپفُردِتُس دے ہتُھوں گِھن تے میڈے کولھ بہُوں کُجھ تھی گئے۔ ایہ ہِک ایجھی خوشبودار تے مقبول قُربانی ہے جیہڑی خُدا کُوں پسند ہے۔

2کُرِنتھِیوں 12:15

اِیں واسطے مَیں تُہاڈی خاطر بہُوں خوشی نال آپنڑا سبھ کُجھ خرچ کر ڈیساں بلکہ آپ وی خرچ تھی ویساں۔ جے مَیں تُہاڈے نال بہُوں محبت رکھاں تاں کیا تُساں میڈے نال گھٹ محبت رکھیسو؟

مُکاشفہ 12:11

او لوک لیلے دے خون تے آپنڑی گواہی ڈیوݨ دے سببّوں اُوندے اُتے غالب آئے، اُنہاں آپنڑیاں زندگیاں کُوں عزیز نہ سمجھیا، اِتُھوں تئیں جو موت کُوں گَل لا گِھدا۔

فِلیمون 1:13

میں تاں اُونکُوں آپنڑے کولھ ای رکھنڑ چاہندا ہم تاں جو جئیں تئیں مَیں خوشخبری سُنڑاوݨ دی وجہ تُوں قید ءچ ہاں، او تیڈی جاہ تے میڈی خدمت کرے۔

فِلِپّیوں 2:27

بے شک او اِتنا بیمار تھی گِیا ہا جو مرݨ آلا ہا پر خُدا اُوندے اُتے رحم کیتا تے نہ صرف اُوندے اُتے بلکہ میڈے اُتے وی، تاں جو میڈا ڈُکھ مزید نہ ودھے۔

فِلِپّیوں 2:17

جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

1کُرِنتھِیوں 16:10

جے تِیمُتِھیُس پُج ونجے تاں خیال رکھائے جو او تُہاڈے کولھ بے فِکر ٹِکے کیوں جو او وی میڈے وانگُوں خُداوند دی خدمت کریندا پِیا ہے۔

1کُرِنتھِیوں 15:53

کیوں جو ضرور ہے جو ایہ جیہڑا فانی ہے، غیرفانی لباس پا گِھنے تے ایہ مرݨ آلا جِسم ہمیشاں دی زندگی دا لباس پاوے۔

رومیوں 16:4

اُنہاں میڈی خاطر آپنڑے آپ کُوں خطرے ءچ پاتا ہویا ہا۔ نہ صرف میں بلکہ غیر قوماں دیاں سبھ کلیسیاواں وی اُنہاں دیاں شُکر گُزار ہِن۔

2کُرِنتھِیوں 4:12

بس موت تاں ساڈے ءچ اثر کریندی ہے پر زندگی تُہاڈے ءچ۔