فِلِپّیوں 2:29 - کِتاب مُقدّس سرائیکی ترجمہ

²⁹ بس تُساں خُداوند ءچ وڈی خوشی نال اُوندا اِستقبال کرائے تے ایجھے لوکاں دی عزت کیتا کرو۔

فِلِپّیوں 2:29 Referans Kwoze

1 تِیمُتھِیُس 5:17

جیہڑے بزُرگ چنگی راہنمائی کریندے ہِن، خاص کر او جیہڑے کلام سُنڑیندے تے تعلیم ڈیندے ہِن، ڈُونڑی عزت دے حقدار ہِن۔

1تھِسّلُنیکیوں 5:12

پیارے بِھراؤ! اساں تُہاکُوں درخاست کریندے ہیں جو جیہڑے تُہاڈے ءچ محنت کریندے ہِن تے خُداوند ءچ تُہاڈے راہنما ہِن تے تُہاکُوں نصیحت کریندے ہِن، اُنہاں دی قدر کرو۔

1کُرِنتھِیوں 16:18

اُنہاں میڈی تے تُہاڈی رُوح کُوں تازہ کیتے۔ بس ایجھیاں دی قدر کیتا کرو۔

رومیوں 16:2

جو جِینویں مُقدّساں کُوں چاہیدے تُساں اُونکُوں خُداوند ءچ خوشی نال قبول کرو۔ جِیں کم ءچ اُونکُوں تُہاڈی مدد دی لوڑ ہووے، اُوندی مدد کرو کیوں جو او وی بہُوں ساریاں دی مددگار ریہی ہے بلکہ میڈی وی۔

2کُرِنتھِیوں 10:18

کیوں جو جیہڑا آپنڑی تعریف کریندے، او مقبول نئیں بلکہ جِینکُوں خُداوند نیک سمجھدے، اُوہو مقبول ہے۔

1کُرِنتھِیوں 16:10

جے تِیمُتِھیُس پُج ونجے تاں خیال رکھائے جو او تُہاڈے کولھ بے فِکر ٹِکے کیوں جو او وی میڈے وانگُوں خُداوند دی خدمت کریندا پِیا ہے۔

3 یُوحنّا 1:10

جِیں ویلے مَیں آساں تاں اُونکُوں اُوندے ایہ کم جیہڑے او کریندا پئے، یاد ڈیویساں کیوں جو او ساڈے خلاف بُرے گالھیں کریندے۔ تے صرف اِیہو نئیں بلکہ بِھرانواں کُوں خود وی قبول نئیں کریندا تے ڈُوجھیاں کُوں جیہڑے اُنہاں کُوں قبول کرݨ چاہندے ہِن، روکیندے، تے کلیسیا ءچوں کڈھ ڈیندے۔

عبرانیوں 13:17

آپنڑے راہنماواں دے تابع دار تے فرمانبردار راہو کیوں جو او تُہاڈی رُوحانی نِگرانی کریندے ہِن، ایہ جانڑدے ہوئے جو اِیں خدمت دا حساب ڈیونڑا پوسی۔ اُنہاں دے فرمانبردار راہو تاں جو آپنڑا کم خوشی نال کرݨ نہ جو شکایت نال، کیوں جو اِیں صورت ءچ تُہاکُوں کوئی فائدہ نہ تھیسی۔

کلُسِّیوں 4:10

ارِسترخُس جیہڑا میڈے نال قید ءچ ہے تے مرقس جیہڑا برنباس دا رشتے دار ہے، تُہاکُوں سلام آدھے۔ تُہاکُوں مرقس کیتے ہدایت ڈِتی گئی ہے جو جے او تُہاڈے کولھ آوے تاں اُونکُوں خوشی نال قبول کرائے۔

2کُرِنتھِیوں 7:2

ساکُوں آپنڑے دِلاں ءچ جاہ ڈیؤ۔ نہ اساں کہیں نال بے اِنصافی کیتی، نہ کہیں کُوں وِگاڑیا تے نہ کہیں کُوں دوکھا ڈِتے۔

رومیوں 10:15

تے خوشخبری کِینویں سُنڑاوݨ جئیں تئیں کوئی اُنہاں کُوں نہ بھیجے ؟ اِیں واسطے لِکھیا ہے جو ”اُنہاں دے پیر کیجھے بختاں آلے ہِن جیہڑے خوشخبری سُنڑیندن۔“

اعمال 28:10

اُنہاں ساکُوں بہُوں عزت ڈِتی تے اگُوں ونجنڑ دے وقت سفر کیتے ساڈی ضرورت دیاں ساریاں چیزاں جہاز اُتے رکھوا ڈِتیاں۔

اعمال 8:8

تے اُوں شہر ءچ وڈی خوشی تھئی۔

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

یُوحنّا 13:20

مَیں تُہاکُوں سچ آدھا ہاں جو جیہڑا میڈے بھیجے ہوئے کُوں قبول کریندے او میکُوں قبول کریندے تے جیہڑا میکُوں قبول کریندے او میڈے بھیجنڑ آلے کُوں قبول کریندے۔“

لُوقا 9:5

تے جِیں شہر دے لوک تُہاکُوں قبول نہ کرݨ تاں اُوں شہر کنُوں نِکلدے ویلے آپنڑے پیراں دی دھُوڑ چِھنڈک ڈیوائے تاں جو اُنہاں اُتے گواہی ہووے۔“

فِلِپّیوں 2:28

اِیں واسطے میکُوں خیال آیا جو اُونکُوں جلدی بھیج ڈیواں تاں جو تُساں اُونکُوں ولا ڈیکھ تے خوش تھی ونجو تے میڈی پریشانی وی گھٹ ونجے۔