فِلِپّیوں 2:25 - کِتاب مُقدّس سرائیکی ترجمہ

²⁵ پر مَیں اِپفُردِتُس کُوں تُہاڈے کولھ بھیجنڑ ضروری سمجھیا۔ او میڈا بِھرا، ہم خدمت، تے مسیح ءچ میڈے نال سپاہی بلکہ او تُہاڈا قاصد تے میڈیاں ضرورتاں پُوریاں کرݨ کیتے خدمت گُزار ہے۔

فِلِپّیوں 2:25 Referans Kwoze

فِلِپّیوں 4:18

میڈے کولھ سبھ کُجھ ہے بلکہ ضرورت تُوں زیادہ ہے۔ تُہاڈیاں بھیجیاں ہوئیاں شیواں اِپفُردِتُس دے ہتُھوں گِھن تے میڈے کولھ بہُوں کُجھ تھی گئے۔ ایہ ہِک ایجھی خوشبودار تے مقبول قُربانی ہے جیہڑی خُدا کُوں پسند ہے۔

کلُسِّیوں 1:7

تُساں ایہ خوشخبری ساڈے نال خدمت کرݨ آلے پیارے بِھرا اِپفُردِتُس کنُوں سُنڑی جیہڑا تُہاڈی خاطر مسیح دا وفادار خادم ہے۔

فِلِپّیوں 4:3

تے میڈے سچے سنگتی، مَیں تیکُوں وی عرض کریندا ہاں جو اِنہاں عورتاں دی مدد کر، کیوں جو اُنہاں کلیمینس تے میڈے نال خدمت کرݨ آلے باقی لوکاں سمیت میڈے نال خوشخبری سُنڑاوݨ ءچ بہُوں محنت کیتی ہے۔ اِنہاں ساریاں دے ناں کتاب ِ حیات ءچ لِکھے ہِن۔

1کُرِنتھِیوں 3:9

کیوں جو اساں رَل تے خُدا دے کم کرݨ آلے ہیں تے تُساں خُدا دی کھیتی ہیوے۔ تے تُساں خُدا دا گھر وی ہیوے۔

فِلیمون 1:24

تے مرقس، ارِسترخُس، دیماس تے لُوقا وی جیہڑے میڈے نال خدمت کریندے ہِن، تیکُوں سلام آدھے ہِن۔

عبرانیوں 3:1

اِیں واسطے میڈے پاک بِھراؤ، تُساں جیہڑے اسمانی دعوتءچ شریک ہیوے، یسُوع اُتے غور کرو جیہڑا رسُول تے کاہِن ِ اعظم ہے تے جِیندا اساں اِقرار کریندے ہیں۔

1تھِسّلُنیکیوں 3:2

تے تِیمُتِھیُس کُوں، جیہڑا ساڈا بِھرا تے مسیح دی خوشخبری دی تبلیغ ءچ خُدا دا خادم ہے، تُہاڈے کولھ بھیجیا تاں جو تُہاکُوں مضبوط کرے تے اِیمان ءچ تُہاڈا حوصلہ ودھاوے،

کلُسِّیوں 4:11

تے یسُوع وی جیہڑا یُوستُس اکھویندے تُہاکُوں سلام آدھے۔ یہُودی اِیمانداراں ءچوں صرف اِیہو ترے بندے خُدا دی بادشاہی دے پیغام دی تبلیغ کرݨ ءچ میڈے ہم خدمت تے میڈی تسلی دا سبب ریہے ہِن۔

2کُرِنتھِیوں 2:13

وَل وی میکُوں دِلی سکون نہ تھیّا کیوں جو میکُوں میڈا بِھرا طِطُس اُتھاں نہ مِلیا ہا۔ اِیں واسطے مَیں اُنہاں لوکاں تُوں رُخصت تھی تے مَکِدُنیہ روانہ تھی گِیا۔

یُوحنّا 17:18

جِینویں تُوں میکُوں دُنیا ءچ بھیجیا، اُونویں ای مَیں وی اُنہاں کُوں دُنیا ءچ بھیجیا ہے۔

یُوحنّا 13:16

مَیں تُہاکُوں سچ آدھا ہاں جو کوئی نوکر آپنڑے مالک کنُوں وڈا نئیں ہوندا تے نہ ای کوئی بھیجیا ہویا آپنڑے بھیجنڑ آلے کنُوں۔

رومیوں 16:3

پرسِکہ تے اَکوِلہ کُوں میڈا سلام آکھو۔ او مسیح یسُوع ءچ میڈے ہم خدمت ہِن۔

رومیوں 16:9

اُربانُس کُوں جیہڑا مسیح ءچ ساڈا ہم خدمت ہے تے میڈے عزیز استخُس کُوں سلام آکھو۔

فِلِپّیوں 2:26

او تُہاڈے ساریاں نال مِلنڑ دی سِک رکھیندا تے پریشان وی ہا کیوں جو تُساں اُوندی بیماری دا حال سُنڑیا ہا۔