فِلِپّیوں 2:17 - کِتاب مُقدّس سرائیکی ترجمہ

¹⁷ جے تُہاڈی خدمت تے قُربانی اُتے جیہڑی اِیمان دی وجہ کنُوں ہے، میڈی جان وِیٹے ونجنڑ آلی نذر دے طور تے وِیٹی ونجے تاں وَل وی مَیں خوش ہاں تے تُساں ساریاں نال خوشی کریندا ہاں۔

فِلِپّیوں 2:17 Referans Kwoze

2 تِیمُتھِیُس 4:6

کیوں جو میں تاں انگُور دے رَس وانگُوں قُربان گاہ اُتے نذر دے طور تے وِیٹیا ویندا پِیا ہاں تے میڈے اِیں دُنیا تُوں کُوچ دا وقت آ گئے۔

رومیوں 15:16

جو مَیں غیریہُودیاں ءچ مسیح یسُوع دا خادم بنڑ تے خوشخبری دی خدمت کاہِن دی طرحاں کراں، تاں جو غیریہُودی رُوح القُدس دے ذریعے مُقدّس تھی تے ایجھی نذر بنڑ ونجنڑ، جیہڑی خُدا دے حضُور ءچ مقبول تھیوے۔

2کُرِنتھِیوں 12:15

اِیں واسطے مَیں تُہاڈی خاطر بہُوں خوشی نال آپنڑا سبھ کُجھ خرچ کر ڈیساں بلکہ آپ وی خرچ تھی ویساں۔ جے مَیں تُہاڈے نال بہُوں محبت رکھاں تاں کیا تُساں میڈے نال گھٹ محبت رکھیسو؟

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

فِلِپّیوں 1:20

میڈا یقین تے اُمید ایہ ہے جو میکُوں کہیں گالھ ءچ شرمندہ نہ تھیونڑا پوسی بلکہ جیہڑی کمال دلیری نال مسیح دا جلال میڈے سببّوں ماضی ءچ ہمیشاں ظاہر تھیندا ریہا ہے، اُونویں ای ہُنڑ وی ظاہر تھیسی، بھانویں مَیں زندہ راہواں یا مر وَنجاں۔

2کُرِنتھِیوں 7:4

مَیں بہُوں دلیری نال تُہاڈے نال گالھیں کریندا ہاں، پر میکُوں تُہاڈے اُتے فخر وی ہے۔ مَیں تسلی نال بھریج گِیا ہاں تے مُصیبتاں ءچ وی میڈا دل خوشی نال بھریا ہے۔

1 یُوحنّا 3:16

اساں محبت کُوں اِیں تُوں جانڑیا ہے جو یسُوع مسیح ساڈے کیتے آپنڑی جان قُربان کر ڈِتی۔ تے ساڈے اُتے وی ایہ فرض ہے جو اساں آپنڑے بِھرانواں کیتے آپنڑی جان قُربان کرُوں۔

رومیوں 12:1

بس بِھراؤ! مَیں خُدا دیاں رحمتاں دا واسطہ ڈے تے تُہاڈی مِنت کریندا ہاں جو آپنڑے جِسم ہِک ایجھی قُربانی دے طور تے پیش کرو جیہڑی زندہ، پاک تے خُدا دی پسندیدہ ہے۔ اِیہو تُہاڈی مناسب عبادت ہے۔

1 پطرس 2:5

تے تُساں زندہ پتھراں آلی کار ہِک رُوحانی گھر بنڑدے ویندے ہیوے تاں جو مُقدّس کاہِن بنڑو تے ایجھیاں رُوحانی قُربانیاں پیش کرو جیہڑیاں یسُوع مسیح دے وسیلہ نال خُدا دے حضُور مقبول تھیندیاں ہِن۔

1تھِسّلُنیکیوں 2:8

تُہاڈے کیتے ساڈی محبت اِتنی ہئی جو اساں نہ صرف خُدا دی خوشخبری سُنڑاونڑ بلکہ تُہاکُوں آپنڑی جان ڈے ڈیوݨ تئیں راضی ہسے کیوں جو تُساں ساکُوں بہُوں عزیز ہَوے۔

فِلِپّیوں 4:18

میڈے کولھ سبھ کُجھ ہے بلکہ ضرورت تُوں زیادہ ہے۔ تُہاڈیاں بھیجیاں ہوئیاں شیواں اِپفُردِتُس دے ہتُھوں گِھن تے میڈے کولھ بہُوں کُجھ تھی گئے۔ ایہ ہِک ایجھی خوشبودار تے مقبول قُربانی ہے جیہڑی خُدا کُوں پسند ہے۔

فِلِپّیوں 2:30

کیوں جو او مسیح دی خدمت دی خاطر مرݨ آلا ہا۔ اُوں آپنڑی جان خطرے ءچ پا ڈِتی تاں جو او میڈی او خدمت کرے جیہڑی تُساں نہ کر سگے۔

اعمال 21:13

پر پولُس جواب ڈِتا، ”تُساں ایہ کیا کریندے ہیوے؟ کیوں رو رو تے میڈا دل تُڑیندے ہیوے؟ مَیں یروشلیم ءچ خُداوند یسُوع دے ناں دی خاطر صرف بدھیجنڑ کیتے ای نئیں بلکہ مرݨ کیتے وی تیار ہاں۔“

اعمال 20:24

پر مَیں آپنڑی جان کُوں عزیز نئیں رکھیندا بس ایہ چاہندا ہاں جو مَیں آپنڑی خدمت دا دور تے او کم جیہڑا خُداوند یسُوع میکُوں ڈِتے، پُورا کراں یعنی خُدا دے فضل دی خوشخبری سُنڑاوݨ دا کم۔

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

فِلِپّیوں 2:18

اِینویں ای تُہاکُوں وی خوش تھی تے میڈی خوشی ءچ شریک تھیونڑا چاہیدے۔

2کُرِنتھِیوں 4:12

بس موت تاں ساڈے ءچ اثر کریندی ہے پر زندگی تُہاڈے ءچ۔