فِلِپّیوں 2:16 - کِتاب مُقدّس سرائیکی ترجمہ

¹⁶ تے زندگی دا کلام پیش کریندے ہیوے تاں جو مسیح دے واپس آوݨ دے ڈینہہ میکُوں فخر ہووے جو نہ تاں میڈی بھج دھروک بیکار گئی تے نہ محنت بے فائدہ تھئی۔

فِلِپّیوں 2:16 Referans Kwoze

1کُرِنتھِیوں 9:26

اِیں واسطے مَیں وی اِینویں ای نئیں بلکہ مقصد سامنڑے رکھدے ہوئے بھجدا ہاں تے مُکے باز آلی کار لڑدا ہاں، ہوا کُوں مارݨ آلے آلی کار نئیں۔

گلتِیوں 2:2

میڈا اُتھاں ونجنڑ ہِک مُکاشفہ دی وجہ تُوں ہا۔ مَیں اُنہاں لوکاں نال جیہڑے کلیسیا ءچ وڈے راہنما سمجھے ویندے ہَن، کلھیپے ءچ مُلاقات کیتی تے اُنہاں کُوں او خوشخبری پیش کیتی جیہڑی مَیں غیر قوماں کُوں سُنڑیندا ہم۔ میں نئیں چاہندا جو میڈی او بھج دھروک جیہڑی مَیں پہلے کیتی ہئی تے ہُنڑ تئیں کریندا ہاں، بے فائدہ تھیوے۔

1 یُوحنّا 1:1

اساں زندگی دا او کلام بیان کریندے ہیں جیہڑا شروع کنُوں ہا، جِینکُوں اساں سُنڑیا تے آپنڑے اکھیں نال ڈِٹھا تے غور نال نظر کیتی بلکہ ہتھ لا تے ڈِٹھا۔

2کُرِنتھِیوں 1:14

جِینویں تُہاکُوں ساڈی کُجھ سمجھ آ گئی ہے، تُساں آخر تئیں وی پُوری طرحاں سمجھ گِھنسو۔ وَل خُداوند یسُوع دے واپس آوݨ دے ڈینہہ جِینویں اساں تُہاڈے کیتے فخر دا سبب ہیں، اُونویں ای تُساں وی ساڈے کیتے فخر دا سبب ہوسو۔

یُوحنّا 6:68

شمعون پطرس اُونکُوں جواب ڈِتا، ”مالک! اساں کیندے کولھ ونجُوں؟ ہمیشاں دی زندگی دے گالھیں تاں تُہاڈے ای کولھ ہِن۔

1تھِسّلُنیکیوں 3:5

اِیں واسطے جڈاں مَیں مزید برداشت نہ کر سگیا تاں تُہاڈے اِیمان دا حال پتا کرݨ کیتے تِیمُتِھیُس کُوں بھیجیا، کِتھائیں اِینویں نہ تھیوے جو شیطان تُہاکُوں ازمایا ہووے تے ساڈی محنت بے فائدہ تھی گئی ہووے۔

یُوحنّا 6:63

زندہ کرݨ آلی تاں رُوح ہے، اِنسانی طاقت کنُوں کُجھ نئیں تھی سگدا۔ جیہڑے گالھیں مَیں تُہاکُوں آکھیاں ہِن، او رُوح ہِن تے زندگی وی ہِن۔

لُوقا 12:8

مَیں تُہاکُوں آدھا ہاں جو جیہڑا کوئی لوکاں دے سامنڑے میڈا اِقرار کریسی، اِبنِ آدم وی خُدا دے فرشتیاں دے سامنڑے اُوندا اِقرار کریسی۔

عبرانیوں 4:12

کیوں جو خُدا دا کلام زندہ تے موثر ہے۔ او ہر ڈُو دھاری تلوار کنُوں زیادہ تیز ہے، اِتُھوں تئیں جو جان تے رُوح، تے جوڑاں تے مِکھ کُوں چِیردا ہویا لنگھ ویندے، تے دل دے خیالاں تے اِرادیاں کُوں پرکھدے۔

1 پطرس 1:23

تُساں فانی بیج کنُوں نئیں بلکہ غیرفانی بیج کنُوں، خُدا دے کلام دے وسیلے نال نویں سرے تُوں پیدا تھئے ہیوے، جیہڑا زندہ تے ہمیشاں تئیں قائم ہے۔

1تھِسّلُنیکیوں 2:19

آخر ساڈی اُمید تے خوشی تے فخر دا تاج کیا ہے؟ خُداوند یسُوع دے واپس آوݨ ویلے جڈاں اساں اُوندے سامنڑے پیش تھیسوں تاں ساڈی اُمید یا خوشی یا او تاج جیندے اُتے اساں فخر کریسوں، کیا او تُساں ای نئیں؟

گلتِیوں 4:11

میکُوں ڈر ہے جو جیہڑی محنت مَیں تُہاڈے اُتے کیتی ہے، کِتھائیں بے فائدہ نہ تھی ونجے۔

مُکاشفہ 22:17

رُوح تے کُنوار آدھی ہے، ”آ“ تے او وی جیہڑا سُنڑدا ہے، آکھے، ”آ۔“ جیہڑا ترِسّا ہووے تے جیہڑا زندگی دا پانڑی چاہوے او اُونکُوں مُفت ءچ گِھن گِھنے۔

اعمال 13:26

بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔

متّی 10:27

جیہڑا کُجھ مَیں تُہاکُوں اندھارے ءچ آدھا ہاں تُساں اُونکُوں سوجھلے ءچ آکھو۔ تے جیہڑا کُجھ تُساں کَن ءچ سُنڑدے ہیوے کوٹھیاں اُتے اُوندی تبلیغ کرو۔

1کُرِنتھِیوں 1:8

اُوہو تُہاکُوں آخر تئیں قائم وی رکھیسی تاں جو تُساں ساڈے خُداوند یسُوع مسیح دے واپس آوݨ دے ڈینہہ بے اِلزام تھیؤ۔

فِلِپّیوں 1:6

تے میکُوں اِیں گالھ دا یقین ہے جو خُدا، جئیں تُساں لوکاں ءچ نیک کم شروع کیتے، او اُونکُوں یسُوع مسیح دے واپس آوݨ دے ڈینہہ تئیں پُورا کر ڈیسی۔

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،