فِلِپّیوں 1:9 - کِتاب مُقدّس سرائیکی ترجمہ

⁹ میڈی دُعا ہے جو تُہاڈی محبت ودھدی ونجے تے تُساں علم تے ہر طرحاں دی سمجھ ءچ ودھدے ونجو،

فِلِپّیوں 1:9 Referans Kwoze

1تھِسّلُنیکیوں 3:12

خُداوند کرے جو جِینویں ساکُوں تُہاڈے نال محبت ہے اُونویں ای تُہاڈی محبت وی آپس ءچ تے سبھ لوکاں نال ودھدی ونجے۔

کلُسِّیوں 1:9

اِیں واسطے جئیں ڈینہہ تُوں اساں ایہ سُنڑیا ہے، اساں تُہاڈے کیتے دُعا کریندے پئے ہیں۔ ساڈی درخاست ہے جو خُدا تُہاکُوں ساری حِکمت تے رُوحانی سمجھ دے ذریعے، آپنڑی مرضی دے علم نال بھر ڈیوے،

فِلیمون 1:6

مَیں دُعا کریندا ہاں جو اِیمان ءچ تیڈی شراکت ایجھی موثر ہووے جو تُوں ہر برکت کُوں جیہڑی مسیح ءچ مِلی ہے چنگی طرحاں سمجھ سگیں۔

کلُسِّیوں 3:10

تے نوِیں فطرت کُوں کپڑے وانگُوں پا گِھدے، جیہڑی علم حاصل کریندے ہوئے آپنڑے خالق دی صورت اُتے نویں بنڑ دی ویندی ہے۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

2کُرِنتھِیوں 8:7

بس جِینویں تُساں ہر گالھ ءچ یعنی اِیمان، کلام، علم، جوش تے ساڈے نال محبت ءچ ودھدے ویندے ہیوے، اُونویں ای اِیں خیرات دے کم ءچ وی اگُوں ودھدے ونجو۔

1کُرِنتھِیوں 14:20

بِھراؤ! تُساں سمجھ ءچ بال آلی کار نہ بنڑو۔ بُرائی ءچ تاں بالاں وانگُوں بنڑو پر سمجھ ءچ بالغ بنڑو۔

2تھِسّلُنیکیوں 1:3

بِھراؤ! ساڈے اُتے فرض ہے جو ہر ویلے تُہاڈے کیتے خُدا دا شُکر کریندے راہوں۔ تے ایہ مناسب وی ہے کیوں جو تُساں اِیمان ءچ بہُوں ترقی کریندے پئے ہیوے تے تُہاڈی آپس دی محبت وی ودھدی ویندی ہے۔

2 پطرس 3:18

بلکہ ساڈے خُداوند تے نجات ڈیوݨ آلے یسُوع مسیح دے فضل تے علم ءچ ودھدے ونجو۔ اُوندی تعریف ہُنڑ وی تھیوے تے ہمیشاں تئیں تھیندی راہوے۔ آمین۔

عبرانیوں 5:14

پر روٹی وڈیاں کیتے ہوندی ہے جیہڑے تجربے تے تربیت نال اِیں قابل تھی گئے ہِن جو نیکی تے بُرائی ءچ فرق کر سگنڑ۔

اِفِسیوں 5:17

اِیں واسطے بے سمجھ نہ بنڑو بلکہ خُداوند دی مرضی معلوم کرو جو او کیا ہے۔

1تھِسّلُنیکیوں 4:1

ہِک آخری گالھ ایہ ہے بِھراؤ، اساں تُہاکُوں سِکھایا ہے جو خُدا کُوں راضی کرݨ کیتے کِینویں زندگی گُزارنڑی چاہیدی ہے تے تُساں اِینویں کریندے وی ہیوے۔ ہُنڑ اساں خُداوند یسُوع ءچ تُہاڈی مِنت کریندے تے نصیحت کریندے ہیں جو اِینویں کرݨ ءچ مزید ترقی کرو۔