فِلِپّیوں 1:30 - کِتاب مُقدّس سرائیکی ترجمہ

³⁰ تُساں وی اُونہئی تکلیفاں ءچ شامل ہیوے جیہڑیاں میکُوں برداشت کریندے ہوئے ڈِٹھا ہَوے تے ہُنڑ وی سُنڑدے ہیوے جو مَیں اُونویں ای کریندا پِیا ہاں۔

فِلِپّیوں 1:30 Referans Kwoze

1تھِسّلُنیکیوں 2:2

بلکہ جِینویں تُساں جانڑدے ہیوے، اساں فِلپی ءچ ڈُکھ چاتے تے بہُوں بے عزت تھئے۔ وَل وی ساکُوں آپنڑے خُدا ءچ دلیری تھئی جو خُدا دی خوشخبری بہُوں مخالفت دے باوجود تُہاکُوں سُنڑاؤں۔

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔

عبرانیوں 12:4

تُساں گُناہ نال لڑن ءچ حالی تئیں ایجھا مُقابلہ نئیں کیتا جو تُہاڈا خون وِیہہ گِیا ہووے۔

یُوحنّا 16:33

مَیں تُہاڈے نال ایہ گالھیں اِیں واسطے کیتیاں ہِن جو تُساں میڈے ءچ اِطمینان پاؤ۔ دُنیا ءچ ڈُکھ چیندے ہیوے پر حوصلہ رکھو، مَیں دُنیا اُتے غالب آیا ہاں۔“

مُکاشفہ 12:11

او لوک لیلے دے خون تے آپنڑی گواہی ڈیوݨ دے سببّوں اُوندے اُتے غالب آئے، اُنہاں آپنڑیاں زندگیاں کُوں عزیز نہ سمجھیا، اِتُھوں تئیں جو موت کُوں گَل لا گِھدا۔

1 تِیمُتھِیُس 6:12

اِیمان دی چنگی کُشتی لڑ۔ ہمیشاں دی زندگی اُتے قبضہ کر گِھن جیندے کیتے تُوں سڈیا گِیا ہَویں، تے جِیندے بارے ءچ تَیں بہُوں سارے گواہاں دے سامنڑے چنگا اِقرار کیتا ہا۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

فِلِپّیوں 1:13

اِتُھوں تئیں جو شاہی محل دے سارے سپاہیاں تے باقی لوکاں کُوں صاف پتا چل گئے جو مَیں مسیح دی خاطر قید ءچ ہاں۔

کلُسِّیوں 2:1

مَیں تُہاکُوں ڈساوݨ چاہندا ہاں جو مَیں تُہاڈے کیتے تے لَودِیکیہ آلیاں کیتے بلکہ اُنہاں ساریاں اِیمانداراں کیتے جِنہاں میڈا چہرہ نئیں ڈِٹھا بہُوں محنت کریندا پِیا ہاں۔

عبرانیوں 12:1

اِیں واسطے جڈاں گواہاں دی اِتنی وڈی بِھیڑ ساکُوں چارے پاسُوں ولھیٹی کھڑی ہے تاں آؤ، اساں وی ہر ہِک چیز کُوں جیہڑی ساڈے کیتے رکاوٹ دا سبب ہے تے اُوں گُناہ کُوں جیہڑا ساکُوں اسانی نال پَھسا گِھندے پرے کرُوں، تے اُوں دوڑ ءچ صبر نال بھجدے راہُوں جیہڑی ساڈے کیتے مقرر کیتی گئی ہے۔