فِلِپّیوں 1:21 - کِتاب مُقدّس سرائیکی ترجمہ

²¹ کیوں جو زندہ راہنڑ تاں میڈے کیتے مسیح ہے تے مرنڑا نفع۔

فِلِپّیوں 1:21 Referans Kwoze

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

2کُرِنتھِیوں 5:8

ہا، ساکُوں حوصلہ ہے تے ایہ بدن چھوڑ تے خُداوند دے گھر ءچ راہونڑا ساکُوں زیادہ منظور ہے۔

2کُرِنتھِیوں 5:1

اساں جانڑدے ہیں جو جِیں ویلے ایہ تمبُو یعنی ساڈا بدن ڈھا ڈِتا ویسی جیہڑا زمین اُتے ساڈا گھر ہے تاں ساکُوں خُدا کنُوں اسمان اُتے ایجھا گھر مِلسی جیہڑا اِنسانی ہتھ دا بنڑیا ہویا نئیں بلکہ ابدی ہے۔

فِلِپّیوں 1:23

مَیں اِنہاں ڈُوہائیں ءچ پھسیا پِیا ہاں۔ دل تاں چاہندے جو دُنیا کُوں چھوڑ تے مسیح دے کولھ وَنج راہاں کیوں جو ایہ زیادہ چنگا ہے۔

کلُسِّیوں 3:4

جِیں ویلے مسیح جیہڑا تُہاڈی زندگی ہے، ظاہر تھیسی تاں تُساں وی اُوندے نال جلال ءچ ظاہر تھیسو۔

2کُرِنتھِیوں 5:6

بس اساں ہمیشاں حوصلہ رکھیندے ہیں تے ایہ جانڑدے ہیں جو جئیں تئیں اساں بدن دے گھر ءچ ہیں، خُداوند دے گھر کنُوں دُور ہیں

فِلِپّیوں 1:20

میڈا یقین تے اُمید ایہ ہے جو میکُوں کہیں گالھ ءچ شرمندہ نہ تھیونڑا پوسی بلکہ جیہڑی کمال دلیری نال مسیح دا جلال میڈے سببّوں ماضی ءچ ہمیشاں ظاہر تھیندا ریہا ہے، اُونویں ای ہُنڑ وی ظاہر تھیسی، بھانویں مَیں زندہ راہواں یا مر وَنجاں۔

مُکاشفہ 14:13

وَل مَیں اسمان کنُوں ہِک اواز کُوں ایہ آدھے ہوئے سُنڑیا، ”لِکھ! مُبارک ہِن او جیہڑے ہُنڑ کنُوں خُداوند ءچ مردے ہِن۔“ رُوح القُدس فرمیندے، ”ہا! او آپنڑی محنت تُوں چُھٹ تے ارام پیسن کیوں جو اُنہاں دے اعمال اُنہاں دے پِچُھوں پِچُھوں آ تے اُنہاں دے نال راہسن۔“

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

1کُرِنتھِیوں 1:30

پر ایہ خُدا دی طرفوں ہے جو تُساں مسیح یسُوع ءچ ہیوے جیہڑا ساڈے کیتے حِکمت بنڑیا یعنی راستبازی، پاکیزگی تے مخلصی۔

فِلِپّیوں 2:21

سبھ آپنڑے آپنڑے گالھیں دی فِکر ءچ ہِن نہ جو یسُوع مسیح دی۔

1کُرِنتھِیوں 3:22

بھانویں او پولُس ہووے یا اپُلّوس ہووے، پطرس ہووے یا دُنیا ہووے، زندگی ہووے یا موت ہووے، اِیں زمانے دیاں چیزاں ہووݨ یا آوݨ آلے زمانے دیاں،

فِلِپّیوں 1:22

پر جے میڈا جِسمانی طور تے زندہ راہنڑ میڈے کم کیتے پھل دار ہوسی، تاں مَیں نئیں جانڑدا جو ڈُوہائیں ءچوں کِینکُوں چُنڑاں۔