فِلِپّیوں 1:17 - کِتاب مُقدّس سرائیکی ترجمہ

¹⁷ پر ڈُوجھے خلوص دل نال نئیں بلکہ حسد دی وجہ کنُوں مسیح دی تبلیغ کریندے ہِن تاں جو قید ءچ میڈے ڈُکھ کُوں ودھاوݨ۔

فِلِپّیوں 1:17 Referans Kwoze

فِلِپّیوں 2:3

خود غرضی تے غیر مناسب فخر کنُوں دُور راہو بلکہ حلیمی نال ہِک ڈُوجھے کُوں آپنڑے تُوں چنگا سمجھو۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

2 تِیمُتھِیُس 4:16

عدالت ءچ میڈی پہلی پیشی ویلے کوئی میڈی مدد کیتے نہ آیا بلکہ ساریاں میکُوں چھوڑ ڈِتا۔ خُدا اُنہاں تُوں اِیندا حساب نہ گِھنے۔

1 تِیمُتھِیُس 2:7

اِیں مقصد کیتے میکُوں تبلیغ کرݨ آلا تے رسُول تے غیر قوماں کُوں اِیمان تے سچائی دے گالھیں سِکھاوݨ آلا مقرر کیتا گِیا۔ مَیں کُوڑ نئیں مریندا بلکہ سچ آدھا ہاں۔

اعمال 26:24

جِیں ویلے پولُس آپنڑی صفائی ءچ ایہ آدھا ای پِیا ہا تاں فیستُس اُونکُوں روک تے اُچی اواز نال آکھیا، ”پولُس تُوں دیوانہ تھی گئیں۔ علم دی زیادتی تیکُوں پاگل کر ڈِتے۔“

اعمال 26:1

اِیں گالھوں اگرِپّا بادشاہ پولُس کُوں آکھیا، ”تیکُوں آپنڑے حق ءچ بولنڑ دی اِجازت ہے۔“ اِیں واسطے پولُس ہتھ چا تے آپنڑی صفائی پیش کرݨ لگا جو

اعمال 22:1

”بِھراؤ تے بزُرگو، ہُنڑ میڈے گالھیں سُنڑو جیہڑیاں مَیں آپنڑے دفاع ءچ اکھیندا ہاں۔“

لُوقا 21:14

بس آپنڑے دل ءچ پکّا اِرادہ کر گِھنو جو پہلے کنُوں فِکر نہ کریسو جو کیا جواب ڈیؤں۔

رومیوں 2:8

پر جیہڑے خود غرض ہِن تے سچائی کُوں چھوڑ تے بُرائی دے پِچُھوں چلدے ہِن اُنہاں اُتے قہر تے عذاب نازل تھیسی۔

فِلِپّیوں 1:18

پر کیا فرق پِیا، اہم گالھ ایہ ہے جو مسیح دی خوشخبری تاں سُنڑائی ویندی ہے بھانویں بُری نیّت نال یا نیک نیّت نال تے مَیں اِیں گالھ کنُوں خوش ہاں۔ تے مَیں خوش راہساں

2 تِیمُتھِیُس 2:9

اِیں خوشخبری کیتے مَیں ڈُکھ چیندا ہاں بلکہ مُجرم وانگُوں قید ءچ ہاں، پر خُدا دا کلام کہیں قید ءچ نئیں۔