فِلِپّیوں 1:13 - کِتاب مُقدّس سرائیکی ترجمہ

¹³ اِتُھوں تئیں جو شاہی محل دے سارے سپاہیاں تے باقی لوکاں کُوں صاف پتا چل گئے جو مَیں مسیح دی خاطر قید ءچ ہاں۔

فِلِپّیوں 1:13 Referans Kwoze

2 تِیمُتھِیُس 2:9

اِیں خوشخبری کیتے مَیں ڈُکھ چیندا ہاں بلکہ مُجرم وانگُوں قید ءچ ہاں، پر خُدا دا کلام کہیں قید ءچ نئیں۔

اِفِسیوں 3:1

اِیں واسطے مَیں پولُس جیہڑا تُساں غیر قوماں دی خاطر مسیح یسُوع کیتے قیدی ہاں تُہاڈے کیتے دُعا کریندا ہاں۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

اِفِسیوں 6:20

جیندی خاطر مَیں زنجیراں نال بدھیا ہویا مسیح دا ایلچی ہاں۔ تے دُعا کرو جو مَیں اُونکُوں ایجھی دلیری نال بیان کراں جِینویں میڈے اُتے فرض ہے۔

اعمال 26:29

پولُس جواب ڈِتا، ”مَیں تاں خُدا تُوں دُعا کریندا ہاں جو بھانویں تھوڑی جیہی یا زیادہ، نہ فقط تُساں بلکہ جتنے وی اَج میڈی سُنڑدے پئے ہِن، میڈے وانگُوں تھی ونجنڑ، سِوا اِنہاں زنجیراں دے۔“

فِلِپّیوں 4:22

اِتھاں دے سارے مُقدّس لوک، خاص طور تے قیصر بادشاہ دے گھر آلے تُہاکُوں سلام آدھے ہِن۔

اعمال 28:30

پولُس پُورے ڈُو سال تئیں آپنڑے کرایہ دے مکان ءچ ریہا تے جیہڑے اُوندے نال مُلاقات کرݨ آندے ہَن، اُنہاں ساریاں کُوں خوشی نال مِلدا ریہا۔

اعمال 28:20

بس مَیں تُہاکُوں اِیں واسطے سڈوایا جو تُہاڈے نال مُلاقات کراں تے گالھ کراں کیوں جو مَیں بنی اِسرائیل دی اُمید دی وجہ کنُوں زنجیراں نال بدھیا پِیا ہاں۔“

اعمال 28:17

ترے ڈینہہ بعد پولُس یہُودی راہنماواں کُوں سڈوایا۔ جِیں ویلے او جمع تھئے تاں پولُس اُنہاں کُوں آکھیا، ”بِھراؤ، مَیں آپنڑی اُمت دے تے پِیُو ڈاڈا دیاں رسماں دے خلاف کوئی کم نئیں کیتا وَل وی میکُوں یروشلیم ءچ گرفتار کر تے رومیاں دے حوالے کر ڈِتا گئے۔

اعمال 26:31

تے باہر نِکل تے ہِک ڈُوجھے کُوں آکھنڑ لگے، ”ایہ بندہ کُجھ ایجھا نئیں کریندا جو اِینکُوں موت دی سزا ڈِتی ونجے یا قید ءچ رکھیا ونجے۔“

اِفِسیوں 4:1

بس مَیں جیہڑا خُداوند یسُوع دی خاطر قید ءچ ہاں، تُہاڈی مِنت کریندا ہاں جو اُوں بُلاوے دے لائق زندگی گُزارو جیندے کیتے خُدا تُہاکُوں سڈے۔

فِلِپّیوں 1:30

تُساں وی اُونہئی تکلیفاں ءچ شامل ہیوے جیہڑیاں میکُوں برداشت کریندے ہوئے ڈِٹھا ہَوے تے ہُنڑ وی سُنڑدے ہیوے جو مَیں اُونویں ای کریندا پِیا ہاں۔