فِلیمون 1:22 - کِتاب مُقدّس سرائیکی ترجمہ

²² ہِک بئی گزارش ایہ وی ہے جو میڈے راہنڑ کیتے جاہ تیار رکھیں کیوں جو میکُوں اُمید ہے جو تُہاڈیاں دُعاواں دے وسیلے مَیں قید کنُوں چُھٹ تے تُہاڈے ءچ آ ویساں۔

فِلیمون 1:22 Referans Kwoze

فِلِپّیوں 2:24

بلکہ میکُوں خُداوند اُتے بھروسا ہے جو مَیں وی جلدی آساں۔

2کُرِنتھِیوں 1:11

تُساں وی دُعا دے ذریعے ساڈی مدد کرو تاں جو او فضل جیہڑا بہُوں سارے لوکاں دی دُعا دے وسیلے ساڈے اُتے تھیّا ہے، اُوندے کیتے بہُوں سارے لوک ساڈے بارے ءچ خُدا دا شُکر کرݨ۔

2 یُوحنّا 1:12

میکُوں لِکھنڑاں تاں بہُوں کُجھ ہے پر میں اُونکُوں کاغذ تے قلم نال لِکھ تے نئیں بھیجنڑا چاہندا بلکہ اُمید رکھیندا ہاں جو تُہاڈے کولھ آ تے آمنڑے سامنڑے گالھ کریساں تاں جو ساڈی خوشی پُوری تھی ونجے۔

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔

فِلِپّیوں 1:19

کیوں جو مَیں جانڑدا ہاں جو تُہاڈی دُعا تے یسُوع مسیح دے رُوح القُدس دی مدد نال اِیندا انجام میڈی رہائی ہوسی۔

اعمال 28:23

وَل اُنہاں پولُس دے گالھیں سُنڑݨ کیتے ہِک ڈینہہ مقرر کیتا۔ جِیں ویلے او ڈینہہ آیا تاں او پہلے کنُوں وی زیادہ تعداد ءچ اُوں گھر ءچ آئے جِتھاں او راہندا ہا۔ سویل تُوں گِھن تے شام تئیں پولُس اُنہاں کُوں سمجھا سمجھا تے خُدا دی بادشاہی دے بارے ءچ گواہی ڈِتی تے مُوسیٰ دی توریت تے نبیاں دے صحیفیاں ءچوں اُنہاں کُوں یسُوع دے بارے ءچ قائل کرݨ دی کوشش کیتی۔

3 یُوحنّا 1:14

بلکہ مَیں اُمید رکھیندا ہاں جو تیڈے کولھ جلدی آساں تے وَل اساں آمنڑے سامنڑے گالھیں کریسوں۔

عبرانیوں 13:23

مَیں تُہاکُوں خبر ڈیندا ہاں جو ساڈا بِھرا تِیمُتِھیُس رِہا کر ڈِتا گئے۔ جے او جلدی آ گِیا تاں مَیں اُونکُوں نال گِھن تے تُہاکُوں مِلنڑ آساں۔

عبرانیوں 13:19

پر مَیں تُہاڈی مِنت کریندا ہاں جو خاص کر اِیں کیتے دُعا کرو جو مَیں جلدی تُہاڈے کولھ آ سگاں۔

رومیوں 15:24

اِیں واسطے میکُوں اُمید ہے جو اسپین ویندے ویلے تُہاڈے کنُوں تھیندا ویساں، تے تُہاڈے نال چنگی طرحاں مُلاقات کرݨ تُوں بعد میکُوں اُمید ہے جو تُساں اگُوں دے سفر کیتے میڈی مدد کریسو۔

اعمال 27:24

تے آکھنڑ لگا، ’پولُس! اصلُوں نہ ڈر۔ تُوں رومی بادشاہ قیصر دے حضُور لازمی پیش تھیسیں تے تیڈی خاطر خُدا اُنہاں ساریاں دی جان بخش ڈِتی ہے جیہڑے جہاز اُتے تیڈے نال سفر کریندے پئے ہِن۔‘