فِلیمون 1:19 - کِتاب مُقدّس سرائیکی ترجمہ

¹⁹ مَیں پولُس آپنڑے ہتھ نال لِکھیندا ہاں جو میں تیکُوں او ادا کر ڈیساں۔ ایہ یاد ڈیواوݨ دی لوڑ نئیں جو میڈا قرض جیہڑا تیڈے اُتے ہے، او تُوں خود ہیں۔

فِلیمون 1:19 Referans Kwoze

گلتِیوں 6:11

ڈیکھو! مَیں آپنڑے ہتھ نال کیجھے موٹے موٹے حرفاں ءچ تُہاکُوں لِکھدا پِیا ہاں۔

گلتِیوں 5:2

ڈیکھو! مَیں پولُس خود تُہاکُوں آدھا ہاں جو جے تُساں ختنہ کرواؤ تاں مسیح کنُوں تُہاکُوں کوئی فائدہ نہ تھیسی۔

1کُرِنتھِیوں 4:15

کیوں جو جے مسیح ءچ تُہاڈے ہزار اُستاد وی ہووݨ، وَل وی تُہاڈے پِیُو بہُوں سارے نئیں۔ کیوں جو یسُوع مسیح ءچ تُہاکُوں خوشخبری سُنڑاوݨ دے سببّوں مَیں ای تُہاڈا پِیُو بنڑیا۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔

1 تِیمُتھِیُس 1:2

تِیمُتِھیُس دے ناں جیہڑا اِیمان دے لحاظ نال میڈے حقیقی پوتر وانگُوں ہے۔ تیکُوں خُدا باپ تے ساڈے خُداوند یسُوع مسیح دی طرفوں فضل، رحم تے اِطمینان حاصل تھیندا راہوے۔

2کُرِنتھِیوں 3:2

نئیں، تُساں خود ساڈی چِٹھی ہیوے، جیہڑی ساڈے دِلاں اُتے لِکھی پئی ہے۔ اِینکُوں سبھ لوک جانڑدے تے پڑھدے ہِن۔

رومیوں 16:22

مَیں تِرتیُس جئیں اِیں خط کُوں پولُس کیتے لِکھیا ہے، تُہاکُوں خُداوند ءچ سلام آدھا ہاں۔

2کُرِنتھِیوں 9:4

اِینویں نہ تھیوے جو مَکِدُنیہ دے کُجھ لوک میڈے نال آوݨ تے تُہاکُوں تیار نہ پاوݨ تے تُہاڈے نال ساکُوں وی اُوں بھروسے دے سببّوں جیہڑا تُہاڈے اُتے ہا، شرمندہ تھیونڑا پووے۔

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

فِلیمون 1:18

جے اُوں تیڈا کُجھ نُقصان کیتے یا اُوں تیڈا کُجھ ڈیونڑے تاں اُونکُوں میڈے ناں لِکھ گِھن۔