مرقس 9:50 - کِتاب مُقدّس سرائیکی ترجمہ

⁵⁰ نمک چنگا ہے پر جے اُوندا مزہ ویندا راہوے تاں اُونکُوں کیہڑی چیز نال نمکین کریسو؟ آپنڑے ءچ نمک رکھو تے آپس ءچ میل مِلاپ نال راہو۔“

مرقس 9:50 Referans Kwoze

کلُسِّیوں 4:6

تُہاڈی گُفتگو ایجھی فضل نال بھری تے سوہنڑی ہووے، جو تُہاکُوں ہر بندہ کُوں مناسب جواب ڈیونڑ آ ونجے۔

رومیوں 12:18

جئیں تئیں ممکن ہووے تُساں آپنڑی طرفوں ہر اِنسان نال صُلح رکھو۔

متّی 5:13

تُساں زمین دے نمک ہیوے، پر جے نمک دا مزہ ویندا راہوے تاں او کیہڑی چیز نال نمکین کیتا ویسی؟ وَل او کہیں کم دا نئیں سوائے اِیندے جو باہر سَٹ ڈِتا ونجے تے لوکاں دے پیراں تلے لتاڑیا ونجے۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

2کُرِنتھِیوں 13:11

غرض بِھراؤ! خوش راہو، کامِل بنڑدے ونجو، حوصلہ رکھو، ہِک سوچ رکھو، میل مِلاپ رکھو، وَل خُدا جیہڑا محبت تے سلامتی دا سرچشمہ ہے تُہاڈے نال راہسی۔

فِلِپّیوں 1:27

کُجھ وی تھی ونجے، اِتنا ضرور کرو جو تُہاڈا چال چلنڑ مسیح دی خوشخبری دے لائق ہووے تاں جو بھانویں مَیں تُہاکُوں ڈیکھنڑ آواں یا نہ آواں، ضرور تُہاڈے بارے ءچ سُنڑاں جو تُساں ہِک رُوح ءچ قائم ہیوے تے ہِک جان تھی تے خوشخبری دے اِیمان کیتے بہُوں محنت کریندے پئے ہیوے۔

1تھِسّلُنیکیوں 5:13

اُنہاں دی خدمت دی وجہ تُوں محبت نال اُنہاں دی بہُوں عزت کرو۔ تے آپس ءچ میل مِلاپ رکھو۔

اِفِسیوں 4:29

تُہاڈے مُنہ ءچوں کوئی گندی گالھ نہ نِکلے بلکہ صرف اُوہو گالھ نِکلے جیہڑی چنگی تے فائدہ مند ہووے تاں جو سُنڑݨ آلیاں کُوں وی اُوندے تُوں برکت مِلے۔

1 پطرس 3:8

آخری گالھ ایہ ہے جو تُساں سارے ہِک ڈُوجھے نال ہمدردی، برادرانہ محبت، رحم دِلی تے عاجزی نال راہو۔

یعقُوب 1:20

کیوں جو اِنسان دی کاوڑ او راستبازی پیدا نئیں کریندی جیہڑی خُدا چاہندے۔

2 تِیمُتھِیُس 2:22

جوانی دیاں بُریاں خواہشاں کنُوں بھج۔ جیہڑے لوک پاک دل نال خُداوند تُوں دُعا کریندے ہِن اُنہاں دے نال رَل تے راستبازی، اِیمان، محبت تے صُلح دے پِچُھوں لگا رہ۔

کلُسِّیوں 3:12

تُساں خُدا دے چُنڑے ہوئے، پاک تے عزیز لوک ہیوے، اِیں واسطے رحم، ہمدردی، فروتنی، نرمی تے صبر دے کپڑے پا گِھنو۔

گلتِیوں 5:22

پر رُوح القُدس دا پھل محبت، خوشی، اِطمینان، صبر، مہربانی، نیکی، وفاداری،

مرقس 9:34

او چُپ ریہے کیوں جو رستے ءچ آپس ءچ ایہ بحث کریندے ہَن جو وڈا کوݨ ہے؟

مرقس 9:49

کیوں جو ہر بندہ بھاہ نال نمکین کیتا ویسی۔ [تے ہر قُربانی نمک نال نمکین کیتی ویسی۔]