مرقس 9:47 - کِتاب مُقدّس سرائیکی ترجمہ

⁴⁷ تے جے تیڈی اکھ تَیں کنُوں گُناہ کراوے تاں اُونکُوں کڈھ سَٹ کیوں جو کانڑاں تھی تے خُدا دی بادشاہی ءچ داخل تھیوݨ، ڈُو اکھیں رکھیندے ہوئے دوزخ ءچ ونجنڑ کنُوں چنگا ہے۔

مرقس 9:47 Referans Kwoze

متّی 18:9

تے جے تیڈی اکھ تَیں کنُوں گُناہ کراوے تاں اُونکُوں کڈھ سَٹ۔ تیڈے کیتے ہِک اکھ نال زندگی ءچ داخل تھیوݨ، ڈوہائیں اکھیں ہوندے ہوئے جہنم دی بھاہ ءچ سَٹ ڈِتے ونجنڑ کنُوں چنگا ہے۔

مرقس 9:43

جے تیڈا ہتھ تَیں کنُوں گُناہ کراوے تاں اُونکُوں کپ سَٹ کیوں جو ٹُنڈا تھی تے زندگی ءچ داخل تھیوݨ، ڈُو ہتھاں نال دوزخ دی اُوں بھاہ ءچ سٹے ونجنڑ کنُوں چنگا ہے جیہڑی کڈھائیں وی نئیں وِسمدی۔

متّی 5:22

پر مَیں تُہاکُوں ایہ آدھا ہاں جو جیہڑا آپنڑے بِھرا اُتے کوڑیندے، او عدالت دی سزا دا حقدار ہوسی تے جیہڑا آپنڑے بِھرا کُوں پاگل اکھیسی او وڈی عدالت دی سزا دا حقدار ہوسی۔ تے جیہڑا اُونکُوں احمق اکھیسی او دوزخ دی بھاہ دا سزاوار بنڑسی۔

گلتِیوں 4:15

ہُنڑ تُہاڈی او خوشی کِتھاں گئی؟ کیوں جو مَیں تُہاڈا گواہ ہاں جو جے ممکن ہوندا تاں تُساں آپنڑے اکھیں وی کڈھ تے میکُوں ڈے ڈیندے۔

لُوقا 14:26

”جے کوئی میڈے کولھ آوے تے آپنڑے پِیُو، ماء، ذال، بال، بِھرا تے بھینڑاں بلکہ آپنڑی جان نال وی دُشمنڑی نہ رکھے، او میڈا شاگرد نئیں تھی سگدا۔

مرقس 9:46

[جِتھاں اُنہاں دا کیڑا نئیں مردا تے بھاہ نئیں وِسمدی۔]

یُوحنّا 3:3

یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔