مرقس 9:42 - کِتاب مُقدّس سرائیکی ترجمہ

⁴² پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن، کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں سمندر ءچ سَٹ ڈِتا ونجے۔

مرقس 9:42 Referans Kwoze

متّی 18:6

پر جیہڑا کوئی اِنہاں چھوٹیاں ءچوں جیہڑے میڈے اُتے اِیمان گِھن آئے ہِن کہیں کیتے اِیمان تُوں گُمراہ تھیوݨ دا سبب بنڑدے، اُوندے کیتے اِیہو چنگا ہے جو چکّی دا پُڑ اُوندی گِچی ءچ پا تے اُونکُوں ڈونگھے سمندر ءچ بوڈ ڈِتا ونجے۔

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

2کُرِنتھِیوں 6:3

اساں کہیں وی گالھ ءچ تُھڈا کھاوݨ دا سبب نئیں بنڑدے تاں جو ساڈی اِیں خدمت اُتے کوئی انگل نہ چاوے۔

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

رومیوں 14:13

اِیں واسطے اساں ہِک ڈُوجھے اُتے اِلزام نہ لاؤں بلکہ دل ءچ اِرادہ کر گِھنوں جو آپنڑے بِھرا دے سامنڑے ایجھی کوئی چیز نہ رکھوں جیہڑی اُوندے کیتے تُھڈا کھاوݨ یا ڈھاوݨ دا سبب ہووے۔

2 پطرس 2:2

بہُوں سارے لوک اُنہاں دی شہوت پرستی دی پیروی کریسن جیندے سببّوں سچائی دی راہ دی بدنامی تھیسی۔

اعمال 9:4

او زمین اُتے ڈھے پِیا تے ایہ اواز سُنڑی جو ”ساؤل! ساؤل! تُوں میکُوں کیوں سَتیندیں؟“

1 تِیمُتھِیُس 5:14

اِیں واسطے مَیں جوان بیوہ عورتاں کُوں صلاح ڈیندا ہاں جو او شادی کرݨ، بال جمنڑ، آپنڑا گھر سنبھالنڑ تے کہیں مخالف کُوں بدگوئی کرݨ دا موقع نہ ڈیوݨ۔

فِلِپّیوں 1:10

تاں جو تُساں پچھاݨ سگو جو کیہڑے گالھیں چنگیاں ہِن تے تُساں مسیح دے واپس آوݨ دے ڈینہہ تئیں صاف دل تے بے عیب راہو،

رومیوں 15:21

بلکہ جِینویں لِکھیا ہے اُونویں ای تھیوے جو ”جِنہاں کُوں اُوندی خبر نئیں پُجی، او ڈیکھسن تے جِنہاں اصلُوں نئیں سُنڑیا، اُنہاں کُوں سمجھ آسی۔“

متّی 17:27

پر اِینویں نہ تھیوے جو اساں اُنہاں کیتے ٹھوکر دا باعث بنڑوں، تُوں جھیل تے وَنج تے کُنڈی سَٹ، تے جیہڑی مچھی پہلے ہتھ آوے، اُوندا مُنہ کھول تاں تیکُوں ہِک سِکہ مِلسی۔ اُونکُوں گِھن تے میڈے تے آپنڑے کیتے اُنہاں کُوں ڈے۔“