مرقس 9:37 - کِتاب مُقدّس سرائیکی ترجمہ

³⁷ ”جیہڑا کوئی میڈے ناں ءچ ایجھے بال کُوں قبول کریندے او میکُوں قبول کریندے، تے جیہڑا کوئی میکُوں قبول کریندے او میکُوں نئیں بلکہ میڈے بھیجنڑ آلے کُوں قبول کریندے۔“

مرقس 9:37 Referans Kwoze

لُوقا 10:16

جیہڑا کوئی تُہاڈی سُنڑدے او میڈی سُنڑدے، تے جیہڑا تُہاکُوں نئیں منیندا او میکُوں نئیں منیندا، تے جیہڑا میکُوں نئیں منیندا او میڈے بھیجنڑ آلے کُوں نئیں منیندا۔“

لُوقا 9:48

وَل اُنہاں کُوں آکھیا، ”جیہڑا کوئی میڈے ناں ءچ اِیں بال کُوں قبول کریندے او میکُوں قبول کریندے، تے جیہڑا میکُوں قبول کریندے او میڈے بھیجنڑ آلے کُوں قبول کریندے، کیوں جو جیہڑا تُہاڈے ءچوں سبھ کنُوں چھوٹا ہے اُوہو وڈا ہے۔“

یُوحنّا 10:30

مَیں تے میڈا باپ ہِکو ہاں۔“

یُوحنّا 5:23

تاں جو سبھ لوک پوتر دی وی عزت کرݨ جِینویں باپ دی عزت کریندے ہِن۔ جیہڑا پوتر دی عزت نئیں کریندا او باپ دی وی جئیں پوتر کُوں بھیجیا ہے، عزت نئیں کریندا۔

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

متّی 25:40

بادشاہ جواب ڈیسی مَیں تُہاکُوں سچ آدھا ہاں جو ’جِیں ویلے تُساں میڈے اِنہاں سبھ کنُوں چھوٹیاں بِھرانواں ءچوں کہیں ہِک نال ایہ سلوک کیتا تاں میڈے نال کیتا۔‘

1تھِسّلُنیکیوں 4:8

اِیں واسطے جیہڑا ایہ ہدایت نئیں منیندا او اِنسان کُوں نئیں بلکہ خُدا کُوں رَد کریندے، جیہڑا تُہاکُوں رُوح القُدس عطا کریندے۔

مرقس 9:36

تے ہِک بال کُوں گِھن تے اُنہاں دے اَدھ ءچ کھڑا کیتا۔ وَل اُونکُوں جھولی ءچ گِھن تے اُنہاں کُوں آکھیا،

یُوحنّا 13:20

مَیں تُہاکُوں سچ آدھا ہاں جو جیہڑا میڈے بھیجے ہوئے کُوں قبول کریندے او میکُوں قبول کریندے تے جیہڑا میکُوں قبول کریندے او میڈے بھیجنڑ آلے کُوں قبول کریندے۔“