مرقس 9:32 - کِتاب مُقدّس سرائیکی ترجمہ

³² پر او اِیں گالھ کُوں نہ سمجھدے ہَن تے اُونکُوں پُچھنڑ تُوں ڈر دے ہَن۔

مرقس 9:32 Referans Kwoze

لُوقا 18:34

پر شاگرداں کُوں ایہ گالھیں بالکل سمجھ نہ آئیاں۔ اِنہاں گالھیں دا مطلب اُنہاں تُوں لُکیا ریہا تے او نہ سمجھے جو او کیا آدھے۔

لُوقا 9:45

پر شاگرد اِیں گالھ کُوں نہ سمجھدے ہَن بلکہ ایہ اُنہاں کنُوں لُکائی گئی تاں جو اُنہاں کُوں پتہ نہ لگے۔ تے اِیں گالھ دے بارے ءچ اُوندے کنُوں پُچھنڑ تُوں ڈردے ہَن۔

لُوقا 2:50

پر او اُوندی گالھ نہ سمجھے۔

یُوحنّا 16:19

یسُوع ڈِٹھا جو او مَیں کنُوں پُچھنڑ چاہندے ہِن، تاں اُنہاں کُوں آکھیا، ”کیا تُساں آپس ءچ میڈی اِیں گالھ دے بارے ءچ پُچھدے پئے ہیوے جو کُجھ دیر بعد تُساں میکُوں نہ ڈیکھسو تے کُجھ دیر بعد ولا میکُوں ڈیکھ گِھنسو؟

یُوحنّا 12:16

اُوں ویلے تاں اُوندے شاگرد ایہ گالھیں نہ سمجھے پر جِیں ویلے یسُوع آپنڑے جلال کُوں پُجیا تاں اُنہاں کُوں یاد آیا جو ایہ سارے گالھیں اُوندے بارے ءچ لِکھیاں ہَن تے لوکاں اُوندے نال ایہ سلوک کیتا ہا۔

مرقس 9:10

اُنہاں اِیں کلام کُوں یاد رکھیا پر آپس ءچ تکرار کریندے ہَن جو ”مُردیاں ءچوں جی اُٹھنڑ“ دا کیا مطلب ہے؟

یُوحنّا 4:27

اِتی دیر ءچ اُوندے شاگرد آئے تے اُونکُوں ہِک عورت نال گالھیں کریندے ڈیکھ تے حیران تھئے۔ وَل وی کہیں نہ پُچھیا جو ”تُساں کیا چاہندے ہیوے؟ یا اُوندے نال کِیں واسطے گالھیں کریندے پئے ہیوے؟“

لُوقا 24:45

وَل اُوں اُنہاں دا ذہن کھولیا تاں جو خُدا دے کلام کُوں سمجھنڑ،

مرقس 16:14

وَل یسُوع اُنہاں یارہاں شاگرداں اُتے جِیں ویلے او کھانڑا کھاوݨ بیٹھے ہَن ظاہر تھیّا۔ اُوں اُنہاں دی بےاعتقادی تے سخت دِلی اُتے اُنہاں کُوں ملامت کیتی، کیوں جو جِنہاں اُوندے زندہ تھیوݨ تُوں بعد اُونکُوں ڈِٹھا ہا اُنہاں، اُنہاں دا یقین نہ کیتا ہا۔

مرقس 8:33

پر اُوں مُڑ تے آپنڑے شاگرداں کُوں ڈِٹھا تے پطرس کُوں ملامت کیتی تے آکھیا، ”شیطان! میڈے کنُوں دُور تھی وَنج کیوں جو تُوں خُدا دے گالھیں دا نئیں بلکہ اِنسان دے گالھیں دا لحاظ کریندیں۔“

مرقس 7:18

اُوں اُنہاں کُوں آکھیا، ”کیا تُساں وی ایجھے بے سمجھ ہیوے؟ کیا تُساں نئیں سمجھدے جو جیہڑی چیز باہر کنُوں اِنسان دے اندر ویندی ہے او اُونکُوں ناپاک نئیں کر سگدی۔