مرقس 9:26 - کِتاب مُقدّس سرائیکی ترجمہ

²⁶ بدرُوح چیخ مار تے، تے چھوہر کُوں بہُوں مروڑ تے نِکل گئی۔ چھوہر مُردے وانگُوں تھی گِیا ایہ تئیں جو بہُوں سارے آکھنڑ پے گئے جو ”او مر گئے۔“

مرقس 9:26 Referans Kwoze

مرقس 9:20

بس او چھوہر کُوں اُوندے کولھ گِھن آئے۔ جِیں ویلے بدرُوح یسُوع کُوں ڈِٹھا تاں اُوں فوراً چھوہر کُوں مروڑیا۔ او زمین اُتے ڈھٹھا تے لیٹنڑیاں مارݨ لگا تے اُوندے مُنہ کنُوں جَھگ نِکلنڑ لگ پئی۔

مرقس 1:26

بس او بدرُوح اُوں بندے کُوں بُری طرحاں مروڑ تے وڈے زور نال چیخ مار تے اُوندے ءچوں نِکل گئی۔

مُکاشفہ 12:12

اِیں واسطے اسمانو تے اُنہاں ءچ راہنڑ آلیو، خوشی مناؤ۔ پر زمین تے سمندر ءچ راہنڑ آلیو، تُہاڈے اُتے افسوس، کیوں جو ابلیس تُہاڈے کولھ تلے سَٹ ڈِتا گئے۔ او بہُوں قہر ءچ ہے کیوں جو او جانڑدے جو اُوندے کولھ بہُوں گھٹ وقت ہے۔“

مرقس 9:18

او جِتھاں اُونکُوں قابو کر گِھندی ہے، سَٹ ڈیندی ہے تے اُوندے مُنہ کنُوں جَھگ نِکلدی ہے، تے او ڈند پِیہندے تے سُکدا ویندے۔ مَیں تُہاڈے شاگرداں کُوں آکھیا ہا جو بدرُوح کُوں کڈھ ڈیوݨ پر او نہ کڈھ سگے۔“

متّی 15:22

تے ہِک کنعانی تریمت اُنہاں سرحداں ءچوں نِکلی تے اُچی اواز ءچ آکھنڑ لگی، ”مالک، اِبنِ ِ داؤد! میڈے اُتے رحم کرو۔ میڈی دِھی ءچ ہِک بدرُوح ہے جیہڑی اُونکُوں بہُوں ستیندی ہے۔“

مرقس 9:25

جِیں ویلے یسُوع ڈِٹھا جو لوک بھج بھج تے جمع تھیندے پئے ہِن تاں اُوں بدرُوح کُوں دَڑکا ڈے تے آکھیا، ”گُونگی ڈوری بدرُوح، مَیں تیکُوں حُکم ڈیندا ہاں، اِیں ءچوں نِکل آ تے ولا کڈھائیں اِیندے ءچ داخل نہ تھیویں۔“

مرقس 9:27

پر یسُوع اُوندا ہتھ پکڑ تے اُونکُوں چاتا تے او اُٹھی کھڑا تھیّا۔