مرقس 9:25 - کِتاب مُقدّس سرائیکی ترجمہ

²⁵ جِیں ویلے یسُوع ڈِٹھا جو لوک بھج بھج تے جمع تھیندے پئے ہِن تاں اُوں بدرُوح کُوں دَڑکا ڈے تے آکھیا، ”گُونگی ڈوری بدرُوح، مَیں تیکُوں حُکم ڈیندا ہاں، اِیں ءچوں نِکل آ تے ولا کڈھائیں اِیندے ءچ داخل نہ تھیویں۔“

مرقس 9:25 Referans Kwoze

اعمال 16:18

او بہُوں ڈینہاں تئیں اِینویں ای کریندی ریہی۔ آخر پولُس بہُوں تنگ تھی گِیا تے اُوں مُڑ تے بدرُوح کُوں آکھیا جو ”مَیں تیکُوں یسُوع مسیح دے ناں نال حُکم ڈیندا ہاں جو اِیندے ءچوں نِکل وَنج۔“ تے اُونہی ویلے او بدرُوح اُوں چھوہیر ءچوں نِکل گئی۔

لُوقا 9:42

او آندا ای پِیا ہا جو بدرُوح اُونکُوں زمین اُتے زور نال سَٹ تے مروڑیا۔ پر یسُوع اُوں بدرُوح کُوں دَڑکا ڈِتا تے چھوہر کُوں شِفا بخشی، تے اُوندے پِیُو کُوں ڈے ڈِتا۔

مرقس 9:15

ساری بِھیڑ یسُوع کُوں ڈیکھ تے بہُوں حیران تھئی تے اُوندے دو بھج تے اُونکُوں سلام کیتا۔

متّی 17:18

یسُوع بدرُوح کُوں دَڑکا ڈِتا تاں او چھوہر ءچوں نِکل گئی تے چھوہر اُوں ویلے ای چنگا تھی گِیا۔

یہُوداہ 1:9

پر فرشتیاں دے سردار مِیکائیل وی مُوسیٰ دی لاش دے بارے ءچ ابلیس نال تکرار تے بحث کریندے ویلے لعن طعن کر تے اُوندے اُتے اِلزام لاوݨ دی جُرأت نہ کیتی بلکہ ایہ آکھیا جو ”خُداوند تیکُوں ملامت کرے۔“

لُوقا 11:14

وَل یسُوع ہِک گُونگا کرݨ آلی بدرُوح کُوں کڈھیندا پِیا ہا تے جیہڑے ویلے او بدرُوح نِکل گئی تاں گُونگا بولنڑ لگ پِیا تے لوک حیران تھئے۔

لُوقا 8:29

کیوں جو یسُوع بدرُوح کُوں بندے ءچوں نِکل ونجنڑ دا حُکم ڈیندا ہا۔ کیوں جو اُوں، اُوں بندے کُوں کئی پھیری پکڑیا ہا۔ تے بھانویں لوک اُونکُوں قابو ءچ رکھنڑ کیتے زنجیراں تے بیڑیاں نال بَدھ ڈیندے ہَن، وَل وی او زنجیراں کُوں تروڑ ڈیندا ہا تے بدرُوح اُونکُوں بیاباناں ءچ دُرکائی راہندی ہئی۔

لُوقا 4:41

تے بہُوں ساریاں ءچوں بدرُوحاں ایہ آدھیاں ہوئیاں نِکل گئیاں جو تُوں خُدا دا پوتر ہیں۔ پر او اُنہاں کُوں دَڑکدا تے بولنڑ نہ ڈیندا ہا کیوں جو او جانڑدیاں ہَن جو ایہ المسیح ہے۔

لُوقا 4:35

یسُوع اُونکُوں دَڑکا ڈے تے آکھیا، ”چُپ رہ تے اِیں بندے ءچوں نِکل وَنج۔“ بس او بدرُوح اُوں بندے کُوں اُنہاں دے سامنڑے زمین اُتے زور نال تلے سٹیا تے اُونکُوں تکلیف ڈِتے بغیر اُوندے ءچوں نِکل گئی۔

متّی 12:22

اُوں ویلے لوک یسُوع دے کولھ ہِک اندھے گُونگے بندے کُوں گِھن آئے جیندے ءچ بدرُوح ہئی۔ اُوں اُونکُوں چنگا کر ڈِتا۔ وَل او اندھا گُونگا ڈیکھنڑ تے بولنڑ لگ گِیا۔

مرقس 9:24

اُوں چھوہر دے پِیُو فوراً چیخ تے آکھیا، ”مَیں اِیمان رکھیندا ہاں، تُساں میڈی بےاعتقادی دا علاج کرو۔“

مرقس 9:26

بدرُوح چیخ مار تے، تے چھوہر کُوں بہُوں مروڑ تے نِکل گئی۔ چھوہر مُردے وانگُوں تھی گِیا ایہ تئیں جو بہُوں سارے آکھنڑ پے گئے جو ”او مر گئے۔“