مرقس 9:20 - کِتاب مُقدّس سرائیکی ترجمہ

²⁰ بس او چھوہر کُوں اُوندے کولھ گِھن آئے۔ جِیں ویلے بدرُوح یسُوع کُوں ڈِٹھا تاں اُوں فوراً چھوہر کُوں مروڑیا۔ او زمین اُتے ڈھٹھا تے لیٹنڑیاں مارݨ لگا تے اُوندے مُنہ کنُوں جَھگ نِکلنڑ لگ پئی۔

مرقس 9:20 Referans Kwoze

مرقس 1:26

بس او بدرُوح اُوں بندے کُوں بُری طرحاں مروڑ تے وڈے زور نال چیخ مار تے اُوندے ءچوں نِکل گئی۔

لُوقا 4:35

یسُوع اُونکُوں دَڑکا ڈے تے آکھیا، ”چُپ رہ تے اِیں بندے ءچوں نِکل وَنج۔“ بس او بدرُوح اُوں بندے کُوں اُنہاں دے سامنڑے زمین اُتے زور نال تلے سٹیا تے اُونکُوں تکلیف ڈِتے بغیر اُوندے ءچوں نِکل گئی۔

1 پطرس 5:8

ہوشیار تے خبردار راہو کیوں جو تُہاڈا دُشمنڑ ابلیس گجنڑ آلے ببرشیر وانگُوں گولھیندا ودے جو کہیں کُوں پھاڑ کھاوے۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

لُوقا 9:42

او آندا ای پِیا ہا جو بدرُوح اُونکُوں زمین اُتے زور نال سَٹ تے مروڑیا۔ پر یسُوع اُوں بدرُوح کُوں دَڑکا ڈِتا تے چھوہر کُوں شِفا بخشی، تے اُوندے پِیُو کُوں ڈے ڈِتا۔

لُوقا 8:29

کیوں جو یسُوع بدرُوح کُوں بندے ءچوں نِکل ونجنڑ دا حُکم ڈیندا ہا۔ کیوں جو اُوں، اُوں بندے کُوں کئی پھیری پکڑیا ہا۔ تے بھانویں لوک اُونکُوں قابو ءچ رکھنڑ کیتے زنجیراں تے بیڑیاں نال بَدھ ڈیندے ہَن، وَل وی او زنجیراں کُوں تروڑ ڈیندا ہا تے بدرُوح اُونکُوں بیاباناں ءچ دُرکائی راہندی ہئی۔

مرقس 9:26

بدرُوح چیخ مار تے، تے چھوہر کُوں بہُوں مروڑ تے نِکل گئی۔ چھوہر مُردے وانگُوں تھی گِیا ایہ تئیں جو بہُوں سارے آکھنڑ پے گئے جو ”او مر گئے۔“

مرقس 9:18

او جِتھاں اُونکُوں قابو کر گِھندی ہے، سَٹ ڈیندی ہے تے اُوندے مُنہ کنُوں جَھگ نِکلدی ہے، تے او ڈند پِیہندے تے سُکدا ویندے۔ مَیں تُہاڈے شاگرداں کُوں آکھیا ہا جو بدرُوح کُوں کڈھ ڈیوݨ پر او نہ کڈھ سگے۔“

مرقس 9:19

یسُوع جواب ءچ اُنہاں کُوں آکھیا، ”بےاعتقادو! مَیں کڈݨ تئیں تُہاڈے نال راہساں؟ کڈݨ تئیں تُہاڈی برداشت کریساں؟ اُونکُوں میڈے کولھ گِھن آؤ۔“

مرقس 9:21

یسُوع اُوندے پِیُو کنُوں پُچھیا، ”اِیندا ایہ حال کڈݨ تُوں ہے؟“ اُوں آکھیا، ”چھوٹے لا کنُوں۔

لُوقا 9:39

تے ہِک بدرُوح اُونکُوں پکڑ گِھندی ہے تے او ہِک دم چیخنڑ لگ ویندے، تے اُونکُوں اِینویں مروڑ ڈیندی ہے جو او جَھگ مارݨ پے ویندے تے اُونکُوں زخمی کریندی تے مُشکل نال چھوڑیندی ہے۔