مرقس 9:17 - کِتاب مُقدّس سرائیکی ترجمہ

¹⁷ بِھیڑ ءچوں ہِک جواب ڈِتا، ”اُستاد! مَیں آپنڑے پوتر کُوں جیندے ءچ گُونگا کرݨ آلی بدرُوح ہے، تُہاڈے کولھ گِھن آیا ہم۔

مرقس 9:17 Referans Kwoze

لُوقا 11:14

وَل یسُوع ہِک گُونگا کرݨ آلی بدرُوح کُوں کڈھیندا پِیا ہا تے جیہڑے ویلے او بدرُوح نِکل گئی تاں گُونگا بولنڑ لگ پِیا تے لوک حیران تھئے۔

مرقس 9:25

جِیں ویلے یسُوع ڈِٹھا جو لوک بھج بھج تے جمع تھیندے پئے ہِن تاں اُوں بدرُوح کُوں دَڑکا ڈے تے آکھیا، ”گُونگی ڈوری بدرُوح، مَیں تیکُوں حُکم ڈیندا ہاں، اِیں ءچوں نِکل آ تے ولا کڈھائیں اِیندے ءچ داخل نہ تھیویں۔“

یُوحنّا 4:47

او ایہ سُنڑ تے جو یسُوع یہُودیہ تُوں گلیل ءچ آ گِیا ہے، اُوندے کولھ گِیا تے اُونکُوں درخاست کرݨ لگا جو ”میڈا پوتر مرݨ دے نیڑے ہے تُساں وَنج تے اُونکُوں شِفا ڈیؤ۔“

لُوقا 9:38

بِھیڑ ءچوں ہِک بندے اُچی اواز نال آکھیا، ”اُستاد! مَیں تُہاڈی مِنت کریندا ہاں جو میڈے پوتر اُتے نِگاہ کرو کیوں جو او میڈا ہِکو ہِک پوتر ہے۔

مرقس 10:13

وَل لوک بالاں کُوں اُوندے کولھ گِھن آوݨ لگے تاں جو او اُنہاں اُتے ہتھ رکھے، پر شاگرداں اُنہاں کُوں جِھڑکیا۔

مرقس 7:26

ایہ تریمت یُونانی ہئی تے شام دے علاقے فینیکے ءچ پیدا تھئی ہئی۔ اُوں اُوندی مِنت کیتی جو ”میڈی چھوہیر ءچوں بدرُوح کڈھ ڈے۔“

مرقس 5:23

تے مِنت کریندے ہوئے آکھنڑ لگا جو ”میڈی نِکی دِھی مرݨ آلی ہے۔ مہربانی کر تے آؤ تے اُوندے اُتے آپنڑے ہتھ رکھو تاں جو او ٹھیک تھی ونجے تے زندہ راہوے۔“

متّی 17:15

”مالک! میڈے پوتر اُتے رحم کرو کیوں جو اُونکُوں مِرگی دا دورہ پوندے تے او بہُوں ڈُکھ چیندے۔ اِیں وجہ کنُوں اکثر بھاہ تے پانڑی ءچ ڈھے پوندے۔

متّی 12:22

اُوں ویلے لوک یسُوع دے کولھ ہِک اندھے گُونگے بندے کُوں گِھن آئے جیندے ءچ بدرُوح ہئی۔ اُوں اُونکُوں چنگا کر ڈِتا۔ وَل او اندھا گُونگا ڈیکھنڑ تے بولنڑ لگ گِیا۔

متّی 9:32

جیہڑے ویلے او باہر ویندے پئے ہَن تاں لوک ہِک گُونگے کُوں جَیندے ءچ بدرُوح ہئی اُوندے کولھ گِھن آئے۔

مرقس 9:16

اُوں اُنہاں کنُوں پُچھیا، ”تُساں اُنہاں نال کیا بحث کریندے ہیوے؟“

مرقس 9:18

او جِتھاں اُونکُوں قابو کر گِھندی ہے، سَٹ ڈیندی ہے تے اُوندے مُنہ کنُوں جَھگ نِکلدی ہے، تے او ڈند پِیہندے تے سُکدا ویندے۔ مَیں تُہاڈے شاگرداں کُوں آکھیا ہا جو بدرُوح کُوں کڈھ ڈیوݨ پر او نہ کڈھ سگے۔“