مرقس 8:34 - کِتاب مُقدّس سرائیکی ترجمہ

³⁴ وَل اُوں بِھیڑ کُوں آپنڑے شاگرداں سمیت کولھ سڈ تے آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے، تے آپنڑی صلیب چا تے میڈے پِچُھوں تھی پووے۔

مرقس 8:34 Referans Kwoze

متّی 10:38

تے جیہڑا کوئی آپنڑی صلیب چا تے میڈے پِچُھوں نئیں ٹُردا او میڈے لائق نئیں۔

یُوحنّا 10:27

میڈیاں بھیڈاں میڈی اواز سُنڑدیاں ہِن تے مَیں اُنہاں کُوں جانڑدا ہاں تے او میڈے پِچُھوں پِچُھوں ٹُردیاں ہِن۔

گلتِیوں 5:24

تے جیہڑے مسیح یسُوع دے ہِن اُنہاں آپنڑی اِنسانی فطرت کُوں اُوندے جذبات تے بُریاں خواہشاں سمیت صلیب اُتے چڑھا ڈِتے۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

1 یُوحنّا 3:16

اساں محبت کُوں اِیں تُوں جانڑیا ہے جو یسُوع مسیح ساڈے کیتے آپنڑی جان قُربان کر ڈِتی۔ تے ساڈے اُتے وی ایہ فرض ہے جو اساں آپنڑے بِھرانواں کیتے آپنڑی جان قُربان کرُوں۔

متّی 16:24

اُوں ویلے یسُوع آپنڑے شاگرداں کُوں آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے تے آپنڑی صلیب چا تے میڈے پِچُھوں تھی پووے۔

فِلِپّیوں 3:10

مَیں مسیح کُوں تے اُوندے زندہ تھیوݨ دی قُدرت کُوں جانڑنڑاں، اُوندے نال ڈُکھاں ءچ شریک تھیوݨ تے اُوندی موت ءچ اُوندے جِیہا بنڑنڑاں چاہندا ہاں،

رومیوں 8:17

تے جے فرزند ہیں تاں وارث وی ہیں یعنی خُدا دے وارث تے مسیح دے ہم میراث، شرط ایہ ہے جو اساں اُوندے نال ڈُکھ چاؤں تاں جو اُوندے نال جلال وی پاؤں۔

لُوقا 9:23

وَل اُوں ساریاں کُوں آکھیا، ”جے کوئی میڈی پیروی کرݨ چاہندے تاں آپنڑی خُودی دا اِنکار کرے تے ہر روز آپنڑی صلیب چا تے میڈے پِچُھوں تھی پووے۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

فِلِپّیوں 3:7

پر جیہڑا کُجھ پہلے میڈے کیتے نفع دا سبب ہا، مَیں اُونکُوں مسیح دی خاطر نُقصان سمجھ گِھدے۔

1 پطرس 4:1

جڈاں مسیح جِسمانی طور تے ڈُکھ چاتا تاں تُساں وی اُوں وانگُوں ڈُکھ چاوݨ کیتے تیار راہو کیوں جو جئیں وی مسیح دی خاطر ڈُکھ سہے، اُوں گُناہ کُوں چھوڑ ڈِتے۔

گلتِیوں 6:14

پر خُدا نہ کرے جو مَیں کہیں چیز اُتے فخر کراں سوائے آپنڑے خُداوند یسُوع مسیح دی صلیب اُتے، جیندے ذریعے دُنیا دی اہمیت میڈے کیتے صلیب اُتے چڑھ گئی ہے تے میڈی اہمیت دُنیا کیتے۔

1کُرِنتھِیوں 15:31

بِھراؤ! ساڈے خُداوند یسُوع مسیح ءچ ہوندے ہوئے، مَیں تُہاڈے اُتے فخر کریندا ہاں تے اِیں فخر دی قَسم کھا تے آدھا ہاں جو مَیں تاں ہر روز مردا ہاں۔

رومیوں 6:6

تے اساں جانڑدے ہیں جو ساڈی پُرانڑی اِنسانیت مسیح دے نال صلیب اُتے چڑھائی گئی تاں جو ساڈے بدن ءچوں گُناہ دی طاقت ختم تھی ونجے تے اساں اگُوں تے گُناہ دی غُلامی ءچ نہ راہوں۔

لُوقا 14:33

بس اِیں طرحاں تُہاڈے ءچوں جیہڑا کوئی آپنڑا سبھ کُجھ چھوڑ نہ ڈیوے، میڈا شاگرد نئیں تھی سگدا۔

2 پطرس 1:14

کیوں جو ساڈے خُداوند یسُوع مسیح میڈے اُتے ظاہر کیتے جو میڈے فانی بدن دے ختم تھیوݨ دا ویلا جلدی آوݨ آلا ہے۔

1 پطرس 4:13

بلکہ خوشی مناؤ جو تُساں مسیح دے ڈُکھاں ءچ شریک تھی گئے ہیوے تاں جو جِیں ویلے اُوندا جلال ظاہر تھیوے تاں تُساں مزید وی خوش تھی سگو۔

طِطُس 2:12

او فضل ساکُوں تربیت ڈیندے جو اساں بے دینی تے دُنیاوی خواہشاں کُوں چھوڑ تے اِیں موجودہ جہان ءچ پرہیزگاری، راستبازی، تے دینداری نال زندگی گُزاروں،

کلُسِّیوں 1:24

ہُنڑ مَیں اُنہاں ڈُکھاں دے سببّوں خوش ہاں جیہڑے مَیں تُہاڈی خاطر چیندا پِیا ہاں کیوں جو مَیں مسیح دے بدن یعنی کلیسیا دی خاطر مسیح دیاں مُصیبتاں دی کمی کُوں آپنڑے بدن ءچ پُورا کریندا پِیا ہاں۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

لُوقا 18:22

جیہڑے ویلے یسُوع ایہ سُنڑیا تاں اُونکُوں آکھیا، ”ہِک گالھ دی تیڈے ءچ ہُنڑ تئیں کمی ہے۔ آپنڑا سبھ کُجھ ویچ تے غریباں ءچ وَنڈ ڈے۔ تیکُوں اسمان اُتے خزانہ مِلسی تے وَل آ تے میڈے پِچُھوں تھی پو۔“

لُوقا 13:24

”تنگ دروازے کنُوں داخل تھیوݨ دی پُوری کوشش کرو کیوں جو مَیں تُہاکُوں آدھا ہاں جو بہُوں سارے داخل تھیوݨ دی کوشش کریسن پر نہ تھی سگسن۔

متّی 27:32

جِیں ویلے باہر آئے تاں اُنہاں کُوں کُرین شہر دا ہِک بندہ مِلیا جِیندا ناں شمعون ہا۔ اُنہاں ونگار ءچ اُونکُوں پکڑیا جو او یسُوع دی صلیب چاوے،

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

عبرانیوں 13:13

اِیں واسطے آؤ، اساں یسُوع دی ذِلت کُوں آپنڑے اُتے گِھن تے ڈیرے دی حد کنُوں باہر اُوندے کولھ جُلوں۔

2تھِسّلُنیکیوں 3:11

اساں سُنڑیا ہے جو تُہاڈے ءچ کُجھ ایجھے وی ہِن جیہڑے آلسی ہِن۔ او خود تاں کُجھ کریندے نئیں بلکہ ڈُوجھیاں دے کم ءچ دَخل ڈیندے ہِن۔

1کُرِنتھِیوں 9:19

بھانویں مَیں ازاد ہاں تے کہیں دا پابند نئیں، وَل وی مَیں آپنڑے آپ کُوں سبھ دا غُلام بنڑا ڈِتے تاں جو زیادہ لوکاں کُوں مسیح کولھ گِھن آ سگاں۔

1کُرِنتھِیوں 8:13

اِیں واسطے جے میڈا کھانڑا میڈے مسیحی بِھرا کیتے تُھڈا لگنڑ دا سبب ہے تاں مَیں گوشت کڈھائیں نہ کھاساں تاں جو آپنڑے بِھرا کیتے تُھڈا لگنڑ دا سبب نہ بنڑاں۔

یُوحنّا 19:17

تے او آپنڑی صلیب چا تے شہر تُوں باہر اُوں جاہ دو گِیا جیہڑی کھوپڑی اکھویندی ہے تے جِینکُوں عبرانی زبان ءچ گُلگُتا آدھے ہِن۔

لُوقا 20:45

جِیں ویلے یکے لوک سُنڑدے پئے ہَن تاں یسُوع آپنڑے شاگرداں کُوں آکھیا،

مرقس 10:21

یسُوع اُوندے اُتے نِگاہ کیتی تے اُونکُوں اُوندے اُتے پیار آیا تے آکھیا، ”ہِک گالھ دی تَیں ءچ کمی ہے۔ وَنج آپنڑا سبھ کُجھ ویچ تے غریباں کُوں ڈے، تاں تیکُوں اسمان اُتے خزانہ مِلسی۔ وَل آ تے میڈے پِچُھوں ٹُر پو۔“

مرقس 7:14

وَل یسُوع لوکاں کُوں آپنڑے کولھ سڈ تے آکھنڑ لگا، ”تُساں سارے میڈی سُنڑو تے سمجھو۔