مرقس 8:33 - کِتاب مُقدّس سرائیکی ترجمہ

³³ پر اُوں مُڑ تے آپنڑے شاگرداں کُوں ڈِٹھا تے پطرس کُوں ملامت کیتی تے آکھیا، ”شیطان! میڈے کنُوں دُور تھی وَنج کیوں جو تُوں خُدا دے گالھیں دا نئیں بلکہ اِنسان دے گالھیں دا لحاظ کریندیں۔“

مرقس 8:33 Referans Kwoze

متّی 4:10

یسُوع اُونکُوں آکھیا، ”شیطان! دُور تھی وَنج، کیوں جو لِکھیا ہے جو ’تُوں رب آپنڑے خُدا کُوں سجدہ کر تے صرف اُوندی عبادت کر‘۔“

1 یُوحنّا 2:15

نہ دُنیا نال محبت رکھو، نہ دُنیا دیاں چیزاں نال۔ جے کوئی دُنیا نال محبت رکھیندے تاں اُوندے ءچ خُدا باپ دی محبت نئیں۔

فِلِپّیوں 3:19

اُنہاں دا انجام ہلاکت ہے، اُنہاں دا پیٹ ای اُنہاں دا خُدا ہے۔ او آپنڑے شرم دے گالھیں اُتے فخر کریندے ہِن تے دُنیاوی چیزاں دے خیال ءچ لگے راہندے ہِن۔

مُکاشفہ 3:19

مَیں جِنہاں نال پیار کریندا ہاں، اُنہاں کُوں ملامت کریندا تے سزا ڈے تے اُنہاں دی تربیت وی کریندا ہاں۔ اِیں واسطے ہوشیار تھی، تے توبہ کر۔

1 پطرس 4:1

جڈاں مسیح جِسمانی طور تے ڈُکھ چاتا تاں تُساں وی اُوں وانگُوں ڈُکھ چاوݨ کیتے تیار راہو کیوں جو جئیں وی مسیح دی خاطر ڈُکھ سہے، اُوں گُناہ کُوں چھوڑ ڈِتے۔

1 تِیمُتھِیُس 5:20

پر گُناہ کرݨ آلیاں کُوں ساریاں دے سامنڑے ملامت کر تاں جو ڈُوجھیاں کیتے وی عِبرت ہووے۔

1کُرِنتھِیوں 5:5

تاں اُوں بندے کُوں جِسمانی ہلاکت کیتے شیطان دے حوالے کر ڈیؤ تاں جو خُداوند یسُوع دے واپس آوݨ دے ڈینہہ اُوندی رُوح بچ ونجے۔

لُوقا 22:61

یسُوع مُڑ تے پطرس دو ڈِٹھا، تے پطرس کُوں مالک دی او گالھ یاد آئی جیہڑی اُوں پطرس کُوں آکھی ہئی جو ”اَج کُکڑ دے بانگ ڈیوݨ کنُوں پہلے تُوں ترے پھیری میڈا اِنکار کریسیں،“

مرقس 3:34

تے اُوں آپنڑے چودھارُوں بیٹھے ہوئے لوکاں دو نظر کر تے آکھیا، ”ڈیکھو میڈی ماء تے میڈے بِھرا ایہ ہِن۔

مرقس 3:5

یسُوع اُنہاں دی سخت دِلی دے سببّوں بہُوں ڈُکھی تھیّا۔ اُوں اُنہاں کُوں کاوڑ نال ڈِٹھا تے اُوں بندے کُوں آکھیا، ”آپنڑا ہتھ ودھا۔“ اُوں ودھایا تے اُوندا ہتھ ٹھیک تھی گِیا۔

متّی 15:23

پر اُوں اُونکُوں کُجھ جواب نہ ڈِتا۔ تے اُوندے شاگرداں کولھ آ تے اُونکُوں ایہ عرض کیتی جو ”اُونکُوں روانہ کر ڈے کیوں جو او ساڈے پِچُھوں چیخدی ہے۔“

طِطُس 1:13

ایہ گواہی سچی ہے۔ اِیں واسطے اُنہاں کُوں سختی نال ملامت کیتا کر تاں جو اُنہاں دا اِیمان صحت مند راہوے،

لُوقا 9:55

پر اُوں مُڑ تے اُنہاں کُوں دَڑکا ڈِتا۔ [تے آکھیا، ”تُساں نئیں جانڑدے جو تُساں کیہڑی رُوح دے ہیوے،

لُوقا 4:8

یسُوع جواب ءچ اُونکُوں آکھیا، ”لِکھیا ہے جو تُوں رب آپنڑے خُدا کُوں سجدہ کر، تے صرف اُوندی ای عبادت کر۔“

متّی 16:23

یسُوع پطرس دو مُڑ تے آکھیا، ”شیطان! میڈے کنُوں دُور تھی وَنج۔ تُوں میڈے کیتے ٹھوکر دا باعث ہیں کیوں جو تُوں خُدا دے گالھیں دا نئیں بلکہ اِنسان دے گالھیں دا لحاظ کریندیں۔“