مرقس 8:23 - کِتاب مُقدّس سرائیکی ترجمہ

²³ او اُوں اندھے دا ہتھ پکڑ تے اُونکُوں وستی کنُوں باہر گِھن گِیا تے اُوندے اکھیں اُتے تُھک تے آپنڑے ہتھ اُوندے اُتے رکھے تے پُچھیا، ”کیا تُوں کُجھ ڈیدھا ہیں؟“

مرقس 8:23 Referans Kwoze

مرقس 7:33

یسُوع اُوں بندے کُوں بِھیڑ کنُوں اَنج گِھن گِیا تے آپنڑیاں انگلیاں اُوندے کَناں ءچ پاتیاں تے تُھک تے اُوندی زبان کُوں ہتھ لایا۔

مرقس 5:23

تے مِنت کریندے ہوئے آکھنڑ لگا جو ”میڈی نِکی دِھی مرݨ آلی ہے۔ مہربانی کر تے آؤ تے اُوندے اُتے آپنڑے ہتھ رکھو تاں جو او ٹھیک تھی ونجے تے زندہ راہوے۔“

اعمال 9:8

ساؤل زمین تُوں اُٹھی کھڑا تھیّا پر جِیں ویلے اکھیں کھولیاں تاں اُونکُوں کُجھ ڈِکھالی نہ ڈِتا۔ اِیں واسطے لوک اُوندا ہتھ پکڑ تے دمشق ءچ گِھن گئے۔

مُکاشفہ 3:18

میڈا مشورہ ایہ ہے جو مَیں کنُوں بھاہ ءچ خالص کیتا ہویا سونا مُل گِھن چا، تاں جو دولت مند تھی ونجیں تے مَیں کنُوں چِٹے کپڑے گِھن چا، تاں جو اُنہاں کُوں پا تے تیکُوں ننگا تھیوݨ دے سببّوں شرمندہ نہ تھیونڑا پووے تے آپنڑے اکھیں ءچ پاوݨ کیتے سُرمہ گِھن چا، تاں جو ڈیکھ سگیں۔

عبرانیوں 8:9

ایہ اُوں عہد آلی کار نہ ہوسی، جیہڑا مَیں اُنہاں دے پِیُو ڈاڈے نال بدھیا ہم جڈاں مَیں اُنہاں دا ہتھ پکڑ تے اُنہاں کُوں مِصر دے مُلک ءچوں کڈھ تے گِھن آیا ہم۔ کیوں جو او میڈے عہد اُتے قائم نہ ریہے اِیں واسطے مَیں اُنہاں دو توجہ نہ کیتی۔

مرقس 8:24

اُوں نِگاہ کر تے آکھیا، ”میکُوں لوک ڈِکھالی تاں ڈیندے ہِن پر اِینویں جِینویں درخت ٹُردے پِھردے ہووݨ۔“

مرقس 8:26

وَل یسُوع اُونکُوں اُوندے گھر بھیج ڈِتا تے آکھیا جو ”اِیں وستی ءچ واپس نہ ونجیں بلکہ سِدھا آپنڑے گھر لگا وَنج۔“

اعمال 23:19

پلٹن دا سپہ سالار اُوں جوان دا ہتھ پکڑ تے اُونکُوں اَنج گِھن گِیا تے پُچھنڑ لگا، ”تُوں میکُوں کیا ڈساونڑا چاہندا ہیں؟“