مرقس 8:22 - کِتاب مُقدّس سرائیکی ترجمہ

²² وَل او بیت صیدا ءچ آیا تے لوک ہِک اندھے کُوں اُوندے کولھ گِھن آئے تے اُوندی مِنت کیتی جو اُونکُوں ہتھ لاوے۔

مرقس 8:22 Referans Kwoze

متّی 11:21

”خُرازین! تَیں اُتے افسوس، بیت صیدا! تَیں اُتے افسوس، کیوں جو جیہڑے معجزے تُہاڈے ءچ کیتے گئے، جے صور تے صیدا ءچ تھیندے تاں اُتھاں دے لوک ٹاٹ پا تے، تے سواہ ءچ بہہ تے کڈݨ دے توبہ کر گِھندے۔

مرقس 6:45

یسُوع فوراً آپنڑے شاگرداں کُوں مجبور کیتا جو کشتی اُتے بہہ تے جھیل دے پار بیت صیدا کُوں چلے ونجنڑ جئیں تئیں او لوکاں کُوں رُخصت کرے۔

لُوقا 10:13

خُرازین! تَیں اُتے افسوس۔ بیت صیدا! تَیں اُتے افسوس، کیوں جو جیہڑے معجزے تُہاڈے ءچ ظاہر تھئے، جے صور تے صیدا ءچ ظاہر تھیندے تاں اُتھاں دے لوک ٹاٹ پا تے، تے سواہ ءچ بہہ تے کڈݨ دے توبہ کر گِھندے۔

یُوحنّا 12:21

او فِلپُس دے کولھ آئے جیہڑا گلیل دے شہر بیت صیدا دا راہنڑ آلا ہا تے درخاست کیتی جو ”سائیں! اساں یسُوع کُوں ڈیکھنڑ چاہندے ہیں۔“

یُوحنّا 1:44

اندریاس تے پطرس وانگُوں فِلپُس دا وطنی شہر بیت صیدا ہا۔

مرقس 2:3

تے لوک ہِک فالج دے مریض کُوں چار بندیاں کنُوں چوا تے اُوندے کولھ گِھن آئے۔

متّی 8:15

اُوں اُوندا ہتھ پکڑیا تاں اُوندا بُخار لہہ گِیا تے او اُٹھی تے اُوندی خدمت کرݨ لگی۔

متّی 9:29

وَل اُوں اُنہاں دے اکھیں کُوں ہتھ لایا تے آکھیا، ”تُہاڈے اِیمان دے مطابق تُہاڈے کیتے تھیوے۔“

متّی 8:3

یسُوع آپنڑا ہتھ ودھا تے اُوندے اُتے رکھیا تے آکھیا، ”مَیں چاہندا ہاں، پاک صاف تھی وَنج۔“ او فوراً کوڑھ تُوں پاک صاف تھی گِیا۔

لُوقا 9:10

وَل رسُولاں جیہڑا کُجھ کیتا ہا، واپس آ تے یسُوع کُوں ڈسایا۔ وَل او اُنہاں کُوں اَنج گِھن تے بیت صیدا ناں دے ہِک شہر دو روانہ تھیّا۔

متّی 14:36

او اُوندی مِنت کرݨ لگے جو اُوندی پُشاک دے کنارے کُوں ای ہتھ لا گِھننڑ، تے جئیں جئیں ہتھ لایا تندرُست تھی گِیا۔

مرقس 3:10

کیوں جو اُوں بہُوں لوکاں کُوں چنگا کیتا ہا اِیں واسطے جِتّی لوک سخت بیماریاں ءچ گرفتار ہَن، اُوندے اُتے ڈھاندے ہَن جو اُونکُوں ہتھ لا گِھننڑ۔