مرقس 8:17 - کِتاب مُقدّس سرائیکی ترجمہ

¹⁷ پر یسُوع اُنہاں دی سوچ جاݨ تے اُنہاں کُوں آکھیا، ”تُساں کیوں بحث کریندے ہیوے جو ساڈے کولھ روٹی کائنی؟ کیا تُساں ہُنڑ تئیں نئیں جانڑدے تے سمجھدے؟ کیا تُہاڈا دل سخت تھی گِیا ہے؟

مرقس 8:17 Referans Kwoze

مرقس 6:52

اِیں واسطے جو او روٹیاں دے بارے ءچ نہ سمجھے ہَن بلکہ اُنہاں دے دل سخت تھی گئے ہَن۔

مرقس 2:8

یسُوع آپنڑی رُوح ءچ فوراً جاݨ گِھدا جو او آپنڑے دِلاں ءچ کیا سوچیندے ہِن تے اُنہاں کُوں آکھیا، ”تُساں کیوں آپنڑے دِلاں ءچ ایہ گالھیں سوچیندے ہیوے؟

مرقس 3:5

یسُوع اُنہاں دی سخت دِلی دے سببّوں بہُوں ڈُکھی تھیّا۔ اُوں اُنہاں کُوں کاوڑ نال ڈِٹھا تے اُوں بندے کُوں آکھیا، ”آپنڑا ہتھ ودھا۔“ اُوں ودھایا تے اُوندا ہتھ ٹھیک تھی گِیا۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

یُوحنّا 16:30

ہُنڑ اساں جاݨ گئے ہیں جو تُساں سبھ کُجھ جانڑدے ہیوے تے اِیندے مُتھاج نئیں جو کوئی تُہاکُوں پُچھے، اِیں سببّوں اساں اِیمان گِھن آئے ہیں جو تُساں خُدا ءچوں نِکلے ہیوے۔“

لُوقا 24:25

یسُوع اُنہاں کُوں آکھیا، ”نادانو تے نبیاں دے سبھ گالھیں کُوں مننڑ ءچ سُست لوکو!

مرقس 16:14

وَل یسُوع اُنہاں یارہاں شاگرداں اُتے جِیں ویلے او کھانڑا کھاوݨ بیٹھے ہَن ظاہر تھیّا۔ اُوں اُنہاں دی بےاعتقادی تے سخت دِلی اُتے اُنہاں کُوں ملامت کیتی، کیوں جو جِنہاں اُوندے زندہ تھیوݨ تُوں بعد اُونکُوں ڈِٹھا ہا اُنہاں، اُنہاں دا یقین نہ کیتا ہا۔

متّی 15:17

کیا تُساں نئیں سمجھدے جو جیہڑا کُجھ مُنہ ءچ ویندے او پیٹ ءچ ویندے تے خارج تھی ویندے۔

متّی 12:15

یسُوع ایہ معلوم کر تے اُتھوں کنُوں روانہ تھیّا تے لوکاں دی ہِک بِھیڑ اُوندے پِچُھوں ٹُر پئی تے اُوں سبھ کُوں چنگا کر ڈِتا۔

متّی 16:7

او آپس ءچ بحث کرݨ لگ گئے جو ”اساں روٹی نئیں گِھن آئے اِیں واسطے او آدھے ہوسن۔“

مرقس 8:16

او آپس ءچ بحث کرݨ لگ گئے جو ”او اِیں واسطے اکھیندے ہوسن جو ساڈے کولھ روٹی کائنی۔“