مرقس 8:15 - کِتاب مُقدّس سرائیکی ترجمہ

¹⁵ یسُوع اُنہاں کُوں حُکم ڈِتا جو ”خبردار فریسیاں دے خمیر تے ہیرودیس دے خمیر کنُوں ہوشیار رہوائے۔“

مرقس 8:15 Referans Kwoze

متّی 16:6

یسُوع اُنہاں کُوں آکھیا، ”خبردار فریسیاں تے صدوقیاں دے خمیر کنُوں ہوشیار رہوائے۔“

مرقس 12:13

وَل اُنہاں کُجھ فریسیاں تے ہیرودیس دے پیروکاراں کُوں اُوندے کولھ بھیجیا تاں جو اُوندی کوئی گالھ پکڑ سگن۔

1 تِیمُتھِیُس 6:13

مَیں خُدا کُوں جیہڑا ہر چیز کُوں زندگی ڈیندے تے مسیح یسُوع کُوں جئیں پنطیُس پِیلاطُس دے سامنڑے چنگا اِقرار کیتا ہا، گواہ بنڑا تے تیکُوں تاکید کریندا ہاں،

متّی 14:1

اُوں ویلے ہیرودیس جیہڑا مُلک دے چوتھائی حصے اُتے حکُومت کریندا، ہا یسُوع دی شُہرت سُنڑی،

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

1 تِیمُتھِیُس 5:21

مَیں خُدا، مسیح یسُوع تے چُنڑے ہوئے فرشتیاں کُوں گواہ بنڑا تے تیکُوں تاکید کریندا ہاں جو اِنہاں گالھیں اُتے بغیر تعصب تے بغیر طرفداری دے عمل کر۔

لُوقا 12:15

تے اُوں اُنہاں کُوں آکھیا، ”خبردار! آپنڑے آپ کُوں ہر قِسم دے لالچ کنُوں بچائی رکھو، کیوں جو کہیں اِنسان دی زندگی دا بھروسہ اُوندے مال دولت دی کثرت اُتے نئیں۔“

متّی 14:3

کیوں جو ہیرودیس یُوحنّا کُوں پکڑ تے بدھوایا تے قید خانے ءچ سٹوا ڈِتا ہا۔ اِیندی وجہ ہیرودیس دے بِھرا فِلپُس دی ذال ہیرودیاس ہئی۔

متّی 14:6

پر جِیں ویلے ہیرودیس دی سالگرہ تھئی تاں ہیرودیاس دی دِھی محفل ءچ مہماناں دے سامنڑے نَچ تے ہیرودیس کُوں خوش کیتا۔

مرقس 8:14

شاگرد روٹی گِھننڑ بُھل گئے ہَن تے اُنہاں دے کولھ کشتی ءچ صرف ہِک روٹی ہئی۔

مرقس 8:16

او آپس ءچ بحث کرݨ لگ گئے جو ”او اِیں واسطے اکھیندے ہوسن جو ساڈے کولھ روٹی کائنی۔“