مرقس 8:12 - کِتاب مُقدّس سرائیکی ترجمہ

¹² یسُوع لمبا ساہ گِھدا تے آکھیا، ”اِیں زمانے دے لوک نشان کیوں ڈیکھنڑ چاہندے ہِن؟ مَیں تُہاکُوں سچ آدھا ہاں جو اِیں زمانے دے لوکاں کُوں کوئی نشان نہ ڈِتا ویسی۔“

مرقس 8:12 Referans Kwoze

مرقس 7:34

وَل اسمان دو نِگاہ کر تے ہِک آہ بھری تے اُونکُوں آکھیا، ”اِفتح،“ یعنی ”کُھل وَنج۔“

متّی 16:4

اِیں زمانے دے بدکار تے زِنا کار لوک نشان منگدے ہِن پر اُنہاں کُوں یُوناہ دے نشان دے علاوہ بِیا کوئی نشان نہ ڈِتا ویسی۔“ تے او اُنہاں کُوں چھوڑ تے چلا گِیا۔

لُوقا 19:41

جِیں ویلے یسُوع نیڑے آ تے شہر اُتے نِگاہ کیتی تاں اُوندے اُتے رُنّا تے آکھیا،

مرقس 9:19

یسُوع جواب ءچ اُنہاں کُوں آکھیا، ”بےاعتقادو! مَیں کڈݨ تئیں تُہاڈے نال راہساں؟ کڈݨ تئیں تُہاڈی برداشت کریساں؟ اُونکُوں میڈے کولھ گِھن آؤ۔“

مرقس 6:6

تے او اُنہاں دی بےاعتقادی تے بہُوں حیران تھیّا۔ وَل یسُوع چارے پاسُوں دے دیہاتاں ءچ پِھردے ہوئے تعلیم ڈیندا ریہا۔

مرقس 3:5

یسُوع اُنہاں دی سخت دِلی دے سببّوں بہُوں ڈُکھی تھیّا۔ اُوں اُنہاں کُوں کاوڑ نال ڈِٹھا تے اُوں بندے کُوں آکھیا، ”آپنڑا ہتھ ودھا۔“ اُوں ودھایا تے اُوندا ہتھ ٹھیک تھی گِیا۔

متّی 12:38

وَل کُجھ شریعت دے عالماں تے فریسیاں جواب ءچ اُونکُوں آکھیا، ”اُستاد، اساں تُہاڈے کنُوں ہِک نشان ڈیکھنڑ چاہندے ہیں۔“

مرقس 8:13

تے او اُنہاں کُوں چھوڑ تے وَل کشتی ءچ بیٹھا تے پار چلیا گِیا۔