مرقس 8:11 - کِتاب مُقدّس سرائیکی ترجمہ

¹¹ وَل فریسی آ تے اُوندے نال تکرار کرݨ لگے، تے اُونکُوں ازماوݨ کیتے اُوں کنُوں کوئی اسمانی نشان منگیا۔

مرقس 8:11 Referans Kwoze

1کُرِنتھِیوں 10:9

تے اساں مسیح دی ازمائش نہ کرُوں جِینویں اُنہاں ءچوں کُجھ کیتی تے سَپاں اُنہاں کُوں ہلاک کر ڈِتا۔

متّی 12:38

وَل کُجھ شریعت دے عالماں تے فریسیاں جواب ءچ اُونکُوں آکھیا، ”اُستاد، اساں تُہاڈے کنُوں ہِک نشان ڈیکھنڑ چاہندے ہیں۔“

یُوحنّا 4:48

یسُوع اُونکُوں آکھیا، ”جئیں تئیں تُساں لوک معجزہ تے عجیب کم نہ ڈیکھ گِھنو، اصلُوں اِیمان نہ گِھن آسو۔“

لُوقا 11:16

کُجھ بئے لوک یسُوع کُوں ازماوݨ کیتے اُوں کنُوں ہِک اسمانی نشان منگنڑ لگے،

اعمال 5:9

پطرس اُونکُوں آکھیا، ”تُساں کیوں خُداوند دے رُوح القُدس کُوں ازماوݨ کیتے ایکا کیتے؟ ڈیکھ، جیہڑے لوکاں تیڈے پئے کُوں دفن کیتے، او دروازے تئیں پُج گئے ہِن تے تیکُوں وی باہر گِھن ویسن۔“

یُوحنّا 7:48

کیا سرداراں یا فریسیاں ءچوں کوئی اُوندے اُتے اِیمان گِھن آئے؟

یُوحنّا 6:30

بس اُنہاں اُوں کنُوں پُچھیا، ”وَل تُساں کیہڑا معجزہ ڈکھیسو جِینکُوں ڈیکھ تے اساں تُہاڈے اُتے اِیمان گِھن آؤں؟ تُساں کیہڑا کم کریسو؟

لُوقا 10:25

تے ڈیکھو شریعت دا ہِک عالم اُٹھیا تے ایہ آکھ تے یسُوع دی ازمائش کرݨ لگا جو ”اُستاد! مَیں کیا کراں جو ہمیشاں دی زندگی دا وارث بنڑاں؟“

مرقس 12:15

یسُوع اُنہاں دی مکاری کُوں معلوم کر تے اُنہاں کُوں آکھیا، ”تُساں میکُوں کیوں پھساوݨ دی کوشش کریندے ہیوے؟ میڈے کولھ ہِک دینار گِھن آؤ جو مَیں ڈیکھاں۔“

مرقس 2:16

فریسیاں دے شریعت دے عالماں یسُوع کُوں گُنہگاراں تے محصُول گِھننڑ آلیاں نال کھاندے ڈِٹھا تاں اُوندے شاگرداں کُوں آکھیا، ”ایہ محصُول گِھننڑ آلیاں تے گُنہگاراں دے نال کیوں کھاندے پِیندے۔“

متّی 22:23

اُوں ڈینہہ صدوقی جیہڑے قیامت دے مُنکر ہَن اُوندے کولھ آئے تے اُوں کنُوں ایہ پُچھیا جو

متّی 22:18

یسُوع اُنہاں دی بُری نیّت معلوم کر تے آکھیا، ”منافقو! میکُوں کیوں ازمیندے ہیوے؟

متّی 22:15

وَل فریسی وَنج تے آپس ءچ صلاح کرݨ لگ پئے جو یسُوع کُوں گالھیں ءچ کِینویں پھساوݨ۔

متّی 21:23

جِیں ویلے یسُوع ہیکل ءچ آ تے تعلیم ڈیندا پِیا ہا تاں سردار کاہِناں تے قوم دے بزُرگاں اُوندے کولھ آ تے آکھیا، ”تُوں اِنہاں کماں کُوں کِیں اِختیار نال کریندیں؟ تے تیکُوں ایہ اِختیار کئیں ڈِتے؟“

متّی 19:3

کُجھ فریسی اُونکُوں ازماوݨ کیتے اُوندے کولھ آ تے آکھنڑ لگے، ”کیا بندے دا آپنڑی ذال کُوں کہیں وی وجہ کنُوں چھوڑ ڈیوݨ جائز ہے؟“

یُوحنّا 8:6

اُنہاں ایہ سوال اُونکُوں ازماوݨ کیتے پُچھیا تاں جو کہیں وجہ کنُوں اُوندے اُتے اِلزام لا سگنڑ۔ پر یسُوع جُھک تے آپنڑی انگل نال زمین اُتے کُجھ لِکھنڑ لگ پِیا۔

مرقس 9:16

اُوں اُنہاں کنُوں پُچھیا، ”تُساں اُنہاں نال کیا بحث کریندے ہیوے؟“