مرقس 7:9 - کِتاب مُقدّس سرائیکی ترجمہ

⁹ تے یسُوع اُنہاں کُوں ایہ وی آکھیا، ”تُساں آپنڑی روایت کُوں قائم رکھنڑ کیتے خُدا دے حُکم کُوں بالکل رَد کر ڈیندے ہیوے۔

مرقس 7:9 Referans Kwoze

گلتِیوں 2:21

مَیں خُدا دے فضل کُوں رَد نئیں کریندا۔ کیوں جو جے راستبازی شریعت دے وسیلے نال حاصل کیتی وَنج سگدی تاں مسیح دا مرݨ بے فائدہ ہوندا۔“

مرقس 7:13

تے اِینویں تُساں آپنڑی رِیت کنُوں جیہڑی تُساں خود جاری کیتی، خُدا دے کلام کُوں بے اثر کر ڈیندے ہیوے، تے اِیں طرحاں دے بہُوں کم کریندے ہیوے۔“

مرقس 7:3

کیوں جو فریسی بلکہ سارے یہُودی آپنڑے بزُرگاں دیاں رسماں دے ایجھے پابند ہَن جو جِیں ویلے تئیں آپنڑے ہتھ چنگی طرحاں دھو نہ گِھننڑ کھانڑا نہ کھاندے ہَن۔

2تھِسّلُنیکیوں 2:4

او ہر ہِک دی مخالفت کریسی جیہڑا معبُود اکھویندے یا جیندی پُوجا تھیندی ہے تے آپنڑے آپ کُوں اُنہاں تُوں وڈا بنڑیسی۔ اِتُھوں تئیں جو او خُدا دی ہیکل ءچ بہہ تے دعویٰ کریسی جو او خُدا ہے۔

رومیوں 3:31

کیا اساں شریعت کُوں اِیمان دے سببّوں منسوخ کریندے ہیں؟ ہرگز نئیں بلکہ شریعت کُوں قائم رکھیندے ہیں۔

مرقس 7:5

اِیں واسطے فریسیاں تے شریعت دے عالماں یسُوع کنُوں پُچھیا، ”کیا وجہ ہے جو تُہاڈے شاگرد بزُرگاں دیاں رسماں اُتے نئیں چلدے بلکہ ناپاک ہتھاں نال کھانڑا کھاندے ہِن؟“

2کُرِنتھِیوں 11:4

کیوں جو جے کوئی آ تے کہیں بئے یسُوع دی تبلیغ کریندے، جیندی اساں نئیں کیتی، یا جے تُساں کہیں بئی طرحاں دی رُوح قبول کریندے ہیوے جیہڑی اُوں رُوح تُوں فرق ہے جیہڑی تُہاکُوں مِلی ہئی، یا جے تُساں بئی خوشخبری قبول کریندے ہیوے جیہڑی اُوں خوشخبری کنُوں فرق ہے جیہڑی تُساں قبول کیتی ہئی، تاں تُساں اُونکُوں صحیح برداشت کریندے ہیوے۔

گلتِیوں 1:14

مَیں یہُودی طور طریقے ءچ آپنڑے ہم عُمر یہُودیاں کنُوں زیادہ ودھدا ویندا ہم تے بزُرگاں دیاں روایتاں اُتے غیرت نال عمل کریندا ہم۔