مرقس 6:34 - کِتاب مُقدّس سرائیکی ترجمہ

³⁴ یسُوع کشتی تُوں لہہ تے وڈی بِھیڑ ڈِٹھی تے اُونکُوں اُنہاں اُتے ترس آیا کیوں جو او اُنہاں بھیڈاں وانگُوں ہَن جِنہاں دا کوئی آجڑی نہ ہووے۔ تے او اُنہاں کُوں بہُوں سارے گالھیں دی تعلیم ڈیونڑ لگا۔

مرقس 6:34 Referans Kwoze

متّی 9:36

تے جِیں ویلے اُوں بِھیڑ کُوں ڈِٹھا تاں اُونکُوں اُنہاں اُتے ترس آیا کیوں جو او اُنہاں بھیڈاں وانگُوں جِنہاں دا کوئی آجڑی نہ ہووے بہُوں بدحال تے پریشان ہَن۔

لُوقا 9:11

پر جِیں ویلے لوکاں کُوں ایہ پتہ چلیا تاں او اُوندے پِچُھوں اُتھاں پُج گئے۔ او خوشی نال اُنہاں کُوں مِلیا تے اُنہاں نال خُدا دی بادشاہی دے گالھیں کرݨ لگا، تے جِنہاں کُوں شِفا دی ضرورت ہئی اُنہاں کُوں شِفا بخشی۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

متّی 14:14

یسُوع لہہ تے وڈی بِھیڑ ڈِٹھی تاں اُونکُوں اُنہاں اُتے ترس آیا تے اُوں اُنہاں دے بیماراں کُوں شِفا بخشی۔

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

متّی 15:32

وَل یسُوع آپنڑے شاگرداں کُوں کولھ سڈ تے آکھیا، ”میکُوں اِیں بِھیڑ اُتے ترس آندے کیوں جو ایہ لوک ترے ڈینہہ تُوں مسلسل میڈے نال ہِن تے اُنہاں دے کولھ کھاوݨ کیتے کُجھ وی نئیں۔ تے مَیں اُنہاں کُوں بُکھا روانہ کرݨ نئیں چاہندا، کِتھائیں اِینویں نہ تھیوے جو رستے ءچ تھک تے رہ ونجنڑ۔“

مرقس 6:33

پر بہُوں سارے لوکاں اُنہاں کُوں ویندے ڈِٹھا تے پچھاݨ گِھدا۔ او سارے شہراں ءچوں کٹھے تھی تے پیدل اُتھاں بھجے تے اُنہاں تُوں پہلے وَنج پُجے۔

مرقس 6:35

جِیں ویلے ڈینہہ بہُوں ڈھل گِیا تاں اُوندے شاگرد اُوندے کولھ آ تے آکھنڑ لگے، ”ایہ جاہ ویران ہے تے ڈینہہ بہُوں ڈھل گِیا ہے۔

مرقس 8:1

اُنہاں ڈینہاں ءچ ہِک بہُوں وڈی بِھیڑ وَل کٹھی تھی گئی تے اُنہاں دے کولھ کھاوݨ کیتے کُجھ نہ ہا۔ وَل یسُوع آپنڑے شاگرداں کُوں کولھ سڈ تے آکھیا،

مرقس 8:2

”میکُوں اِیں بِھیڑ اُتے ترس آندے کیوں جو ایہ ترے ڈینہہ تُوں مسلسل میڈے نال ہے تے اِنہاں دے کولھ کھاوݨ کیتے کُجھ نئیں۔