مرقس 5:35 - کِتاب مُقدّس سرائیکی ترجمہ

³⁵ او ایہ آدھا ای پِیا ہا جو عبادت خانہ دے سردار دے گھر تُوں کُجھ لوک آ تے آکھنڑ لگے جو ”تُہاڈی دِھی مر گئی ہے۔ ہُنڑ اُستاد کُوں تکلیف کیوں ڈیندے ہیوے؟“

مرقس 5:35 Referans Kwoze

لُوقا 8:49

او ایہ آدھا ای پِیا ہا جو عبادت خانہ دے سردار دے گھر تُوں کہیں آ تے آکھیا، ”تُہاڈی دِھی مر گئی ہے، ہُنڑ اُستاد کُوں تکلیف نہ ڈیؤ۔“

یُوحنّا 11:39

یسُوع آکھیا، ”پتھر کُوں ہٹا ڈیؤ۔“ پر موئے بندے دی بھینڑ مَرتھا اُونکُوں آکھیا، ”مالک! اُوندے ءچوں تاں ہُنڑ بدبُو آندی ہے کیوں جو اُونکُوں موئے ہوئے چار ڈینہہ تھی گئے ہِن۔“

یُوحنّا 11:28

ایہ گالھ آکھ تے مَرتھا چلی گئی تے آپنڑی بھینڑ مریم کُوں اَنج سڈ تے آکھنڑ لگی جو ”اُستاد آ گئے تے تیکُوں سڈیندے۔“

یُوحنّا 5:25

مَیں تُہاکُوں سچ آدھا ہاں جو او وقت آندا پئے بلکہ آ گِیا ہے جِیں ویلے مُردے خُدا دے پوتر دی اواز سُنڑسن تے جیہڑے سُنڑسن او زندہ راہسن۔

مرقس 10:17

جِیں ویلے یسُوع نِکل تے آپنڑے رستے ویندا پِیا ہا تاں ہِک بندہ بھجدا ہویا آیا تے اُوندے سامنڑے گوڈے ٹیک تے پُچھنڑ لگا جو ”نیک اُستاد! مَیں کیا کراں جو ہمیشاں دی زندگی دا وارث بنڑاں؟“

مرقس 5:22

وَل مقامی عبادت خانہ دا ہِک سردار جِیندا ناں یائِیر ہا، اُتھاں آیا۔ او یسُوع کُوں ڈیکھ تے اُوندے پیراں ءچ ڈھے پِیا

یُوحنّا 11:32

جِیں ویلے مریم اُوں جاہ اُتے پُجی جِتھاں یسُوع ہا تاں اُونکُوں ڈیکھ تے اُوندے پیراں ءچ ڈھے تے آکھیا، ”مالک! جے تُساں اِتھاں ہوندے تاں میڈا بِھرا نہ مردا۔“

یُوحنّا 11:25

یسُوع اُونکُوں آکھیا، ”قیامت تے زندگی تاں مَیں ہاں۔ جیہڑا میڈے اُتے اِیمان گِھن آندے بھانویں او مر وی ونجے، وَل وی زندہ راہسی۔

یُوحنّا 11:21

مَرتھا یسُوع کُوں آکھیا، ”مالک! جے تُساں اِتھاں ہوندے تاں میڈا بِھرا نہ مردا،

متّی 26:18

اُوں جواب ڈِتا، ”شہر ءچ فلاں بندے دے کولھ ونجو تے آکھو، ’اُستاد آدھے جو میڈا مقررہ ویلا نیڑے ہے۔ مَیں آپنڑے شاگرداں دے نال تیڈے گھر ءچ فسح دی عید منیساں‘۔“

متّی 9:18

او اُنہاں کُوں ایہ گالھیں آدھا ای پِیا ہا جو ہِک سردار اُوندے پیراں ءچ ڈھے تے عرض کیتی، ”میڈی دِھی ہُنڑیں موئی ہے پر جے تُساں آ تے اُوندے اُتے آپنڑاں ہتھ رکھو تاں او زندہ تھی ویسی۔“

متّی 26:10

یسُوع ایہ جاݨ تے اُنہاں کُوں آکھیا جو ”تُساں اِیں عورت کُوں کیوں پریشان کریندے ہیوے؟ اِیں تاں میڈے نال بھلائی کیتی ہے۔