مرقس 5:24 - کِتاب مُقدّس سرائیکی ترجمہ

²⁴ بس یسُوع اُوندے نال روانہ تھیّا تے وڈی بِھیڑ اُوندے پِچُھوں تھی پئی تے اُوندے اُتے ڈھاندی پئی ہئی۔

مرقس 5:24 Referans Kwoze

مرقس 5:31

شاگرداں اُونکُوں آکھیا، ”تُساں ڈیدھے پئے ہیوے جو لوک تُہاڈے اُتے ڈھاندے پئے ہِن، تے وَل وی تُساں پُچھدے ہیوے جو ’کئیں میکُوں ہتھ لائے‘؟“

لُوقا 7:6

یسُوع اُنہاں دے نال چلیا۔ پر جِیں ویلے او اُوندے گھر دے نیڑے پُجیا تاں صوبیدار کُجھ دوستاں دے ذریعے اُونکُوں اکھوا بھیجیا جو ”مالک! تکلیف نہ کرو، کیوں جو مَیں اِیں لائق نئیں جو تُساں میڈی چھت تلے آؤ۔

مرقس 3:20

وَل یسُوع گھر ءچ آیا تے اِتی لوک کٹھے تھی گئے جو او کھانڑا وی نہ کھا سگے۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

لُوقا 19:3

او یسُوع کُوں ڈیکھنڑ دی کوشش کریندا ہا جو کیہڑا ہے پر بِھیڑ دے سببّوں ڈیکھ نہ سگدا ہا، اِیں واسطے جو اُوندا قد چھوٹا ہا۔

لُوقا 12:1

اِیں دوران ہزاراں لوکاں دی بِھیڑ لگ گئی، ایہ تئیں جو لوک ہِک بئے اُتے ڈھاندے پئے ہَن۔ وَل یسُوع سبھ تُوں پہلے آپنڑے شاگرداں کُوں ایہ آکھنڑ شروع کیتا جو ”فریسیاں دے خمیر یعنی اُنہاں دی منافقت کنُوں ہوشیار رہوائے۔

لُوقا 8:45

وَل یسُوع آکھیا، ”میکُوں کئیں ہتھ لائے؟“ جِیں ویلے سارے اِنکار کرݨ لگے تاں پطرس آکھیا، ”اُستاد! لوک ہِک بئے کُوں دھکے ڈیندے تے تُہاڈے اُتے ڈھاندے پئے ہِن۔“

لُوقا 8:42

کیوں جو اُوندی ہِکو ہِک دِھی جیہڑی بارہاں سال دی ہئی، مرݨ آلی ہئی۔ جیہڑے ویلے یسُوع ویندا پِیا ہا تاں لوک اُوندے اُتے ڈھاندے پئے ہَن۔

مرقس 5:23

تے مِنت کریندے ہوئے آکھنڑ لگا جو ”میڈی نِکی دِھی مرݨ آلی ہے۔ مہربانی کر تے آؤ تے اُوندے اُتے آپنڑے ہتھ رکھو تاں جو او ٹھیک تھی ونجے تے زندہ راہوے۔“

مرقس 5:25

بِھیڑ ءچ ہِک تریمت ہئی جِیندا بارہاں سالہاں کنُوں خون جاری ہا۔

لُوقا 11:29

جِیں ویلے بِھیڑ زیادہ تھیوݨ لگی تاں یسُوع آکھنڑ لگا جو ”اِیں زمانے دے لوک بُرے ہِن، او نشان منگدے ہِن۔ پر یُوناہ دے نشان دے علاوہ اُنہاں کُوں کوئی نشان نہ ڈِتا ویسی۔