مرقس 5:15 - کِتاب مُقدّس سرائیکی ترجمہ

¹⁵ او یسُوع دے کولھ آئے، تے اُوں بندے کُوں جیندے ءچ بدرُوحاں دا لشکر ہا، کپڑے پاتے، تے ہوش ءچ بیٹھے ڈِٹھا تاں ڈر گئے۔

مرقس 5:15 Referans Kwoze

کلُسِّیوں 1:13

خُدا ساکُوں اندھارے دے قبضے ءچوں چُھڑا تے آپنڑے عزیز پوتر دی بادشاہی ءچ داخل کیتے،

2 تِیمُتھِیُس 1:7

کیوں جو جیہڑی رُوح خُدا ساکُوں ڈِتی ہے او ساکُوں بُزدل نئیں بنڑیندی بلکہ طاقت، محبت تے تربیت ڈیندی ہے۔

لُوقا 8:27

جِیں ویلے او کنارے اُتے لتھا تاں اُوں شہر دا ہِک بندہ اُونکُوں مِلیا جیندے ءچ بدرُوحاں ہَن۔ تے اُوں وڈی مُدت کنُوں کپڑے نہ پاتے ہَن تے او گھر ءچ نئیں بلکہ قبرستان ءچ راہندا ہا۔

مرقس 5:9

وَل یسُوع اُوں کنُوں پُچھیا، ”تیڈا ناں کیا ہے؟“ اُوں جواب ڈِتا، ”میڈا ناں لشکر ہے کیوں جو اساں بہُوں سارے ہاں۔“

لُوقا 10:39

مَرتھا دی ہِک بھینڑ ہئی جِیندا ناں مریم ہا۔ او خُداوند دے پیراں دے کولھ بہہ تے اُوندا کلام سُنڑدی پئی ہئی۔

مرقس 5:18

جِیں ویلے یسُوع کشتی ءچ چڑھن لگا تاں او بندہ جیہڑا پہلے بدرُوحاں ءچ گرفتار ہا، اُوندی مِنت کرݨ لگا جو ”مَیں تُہاڈے نال ویساں۔“

مرقس 5:16

جِنہاں ایہ واقعہ ڈِٹھا ہا اُنہاں بدرُوح گرفتہ بندے تے سُؤراں دا حال اُنہاں کُوں بیان کیتا۔

مرقس 5:4

پہلے اُونکُوں اکثر بیڑیاں تے زنجیراں نال بَدھ تے رکھیا ویندا ہا، پر او زنجیراں کُوں تروڑ سٹیندا تے بیڑیاں دے ٹوٹے ٹوٹے کر ڈیندا ہا، تے کوئی اُونکُوں قابو ءچ نہ رکھ سگدا ہا۔

متّی 12:29

یا کوئی بندہ کہیں زور آور دے گھر وڑ تے اُوندا مال کِینویں لُٹ سگدے جئیں تئیں پہلے اُوں زور آور کُوں بَدھ نہ گِھنے؟ وَل او اُوندا گھر لُٹ گِھنسی۔

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

متّی 9:33

جِیں ویلے او بدرُوح کڈھ ڈِتی گئی تاں گُونگا بولنڑ لگ پِیا تے لوکاں حیران تھی تے آکھیا جو ”ایجھا اِسرائیل ءچ کڈھائیں نئیں ڈِٹھا گِیا۔“

متّی 26:53

تیکُوں پتہ نئیں جو مَیں آپنڑے باپ کنُوں مِنت کر سگدا ہاں تے او ہُنڑیں فرشتیاں دے بارہاں لشکراں کنُوں وی زیادہ میڈے کولھ بھیج ڈیسی؟

مرقس 5:14

سُؤر چراوݨ آلے اُتھوں کنُوں بھج پئے تے شہر تے دیہات ءچ اِیں گالھ دی خبر پُچائی۔ بس لوک ایہ ڈیکھنڑ کیتے نِکل آئے۔