مرقس 5:13 - کِتاب مُقدّس سرائیکی ترجمہ

¹³ یسُوع اُنہاں کُوں اِجازت ڈِتی تے بدرُوحاں اُوں بندے ءچوں نِکل تے سُؤراں ءچ داخل تھی گئیاں۔ تے اُوں اِجڑ دے سارے سُؤر، جیہڑے تقریباً ڈُو ہزار ہَن، ریڑھ کنُوں بھجدے ہوئے جھیل ءچ وَنج ڈھٹھے تے بُڈ مرے۔

مرقس 5:13 Referans Kwoze

مُکاشفہ 20:7

جِیں ویلے ہزار سال پُورے تھی ویسن تاں شیطان آپنڑی قید ءچوں رِہا کر ڈِتا ویسی۔

مُکاشفہ 9:11

کھڈے دا فرشتہ اُنہاں دا بادشاہ ہا۔ اُوندا ناں عبرانی ءچ ”ابدّون“ تے یُونانی ءچ ”اپُلّیون“ یعنی ہلاک کرݨ آلا ہے۔

1 پطرس 3:22

یسُوع اسمان اُتے وَنج تے خُدا دے سجے پاسے بہہ گِیا ہے تے فرشتے، اِختیار آلے، تے طاقتاں اُوندے تابع کیتے گئے ہِن۔

یُوحنّا 8:44

تُساں آپنڑے پِیُو ابلیس کنُوں ہیوے تے آپنڑے پِیُو دیاں خواہشاں کُوں پُورا کرݨ چاہندے ہیوے۔ او شروع کنُوں ای خونی ہے تے سچائی اُتے قائم نئیں ریہا کیوں جو اُوندے ءچ سچائی کائنی۔ جِیں ویلے او کُوڑ بُلیندا ہے تاں آپنڑی فطرت دے مطابق آدھے، کیوں جو او کُوڑا ہے بلکہ کُوڑاں دا پِیُو ہے۔

متّی 8:32

اُوں اُنہاں کُوں آکھیا، ”ونجو۔“ او نِکل تے سُؤراں ءچ داخل تھی گئیاں تے سُؤراں دا سارا اِجڑ ریڑھ کنُوں بھجدے ہوئے جھیل ءچ وَنج ڈھٹھا تے بُڈ مریا۔

متّی 7:6

پاک چیز کُتیاں دے اگُوں نہ رکھو تے آپنڑے موتی سُوراں دے اگُوں نہ سٹو۔ اِینویں نہ تھیوے جو او اُنہاں کُوں پیراں تلے لتاڑن تے مُڑ تے تُہاکُوں چِیر پھاڑ سٹنڑ۔

مرقس 5:12

بدرُوحاں اُوندی مِنت کر تے آکھیا جو ”ساکُوں اُنہاں سُؤراں ءچ بھیج ڈے تاں جو اساں اُنہاں ءچ داخل تھی ونجُوں۔“

مرقس 5:14

سُؤر چراوݨ آلے اُتھوں کنُوں بھج پئے تے شہر تے دیہات ءچ اِیں گالھ دی خبر پُچائی۔ بس لوک ایہ ڈیکھنڑ کیتے نِکل آئے۔