مرقس 4:39 - کِتاب مُقدّس سرائیکی ترجمہ

³⁹ اُوں جاگ تے ہوا کُوں دَڑکا ڈِتا تے جھیل کُوں آکھیا، ”خاموش تھی! رُک وَنج!“ بس ہوا رُک گئی تے بالکل سکون تھی گِیا۔

مرقس 4:39 Referans Kwoze

مرقس 9:25

جِیں ویلے یسُوع ڈِٹھا جو لوک بھج بھج تے جمع تھیندے پئے ہِن تاں اُوں بدرُوح کُوں دَڑکا ڈے تے آکھیا، ”گُونگی ڈوری بدرُوح، مَیں تیکُوں حُکم ڈیندا ہاں، اِیں ءچوں نِکل آ تے ولا کڈھائیں اِیندے ءچ داخل نہ تھیویں۔“

لُوقا 4:39

یسُوع اُوندے سرہانڑے کھڑ تے بُخار کُوں دَڑکا ڈِتا تاں او لہہ گِیا تے او فوراً اُٹھی تے اُوندی خدمت کرݨ لگ پئی۔

متّی 8:26

اُوں اُنہاں کُوں آکھیا، ”کمزور اِیمان آلیو! تُساں کیوں ڈر دے ہیوے؟“ وَل اُوں اُٹھی تے ہوا تے پانڑی کُوں دَڑکا ڈِتا تے بالکل سکون تھی گِیا۔

مرقس 4:38

پر یسُوع کشتی دے پِچھلے حصے ءچ ہِک گدّی اُتے سُتا پِیا ہا۔ بس اُنہاں اُونکُوں جگایا تے آکھیا، ”اُستاد! کیا تُہاکُوں پرواہ نئیں جو اساں ہلاک تھیندے پئے ہیں؟“

لُوقا 4:35

یسُوع اُونکُوں دَڑکا ڈے تے آکھیا، ”چُپ رہ تے اِیں بندے ءچوں نِکل وَنج۔“ بس او بدرُوح اُوں بندے کُوں اُنہاں دے سامنڑے زمین اُتے زور نال تلے سٹیا تے اُونکُوں تکلیف ڈِتے بغیر اُوندے ءچوں نِکل گئی۔

لُوقا 8:24

اُنہاں کولھ آ تے اُونکُوں جگایا تے آکھیا، ”مالک، مالک، اساں ہلاک تھیندے پئے ہیں!“ اُوں اُٹھی تے ہوا تے پانڑی دے زور شور کُوں دَڑکا ڈِتا۔ ڈوہائیں جھلیج گئے تے سکون تھی گِیا۔