مرقس 4:38 - کِتاب مُقدّس سرائیکی ترجمہ

³⁸ پر یسُوع کشتی دے پِچھلے حصے ءچ ہِک گدّی اُتے سُتا پِیا ہا۔ بس اُنہاں اُونکُوں جگایا تے آکھیا، ”اُستاد! کیا تُہاکُوں پرواہ نئیں جو اساں ہلاک تھیندے پئے ہیں؟“

مرقس 4:38 Referans Kwoze

1 پطرس 5:7

آپنڑیاں ساریاں فِکراں اُوندے اُتے سَٹ ڈیؤ کیوں جو او تُہاڈی فِکر کریندے۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

متّی 8:25

شاگرداں کولھ آ تے اُونکُوں جگایا تے آکھیا، ”مالک! ساکُوں بچا۔ اساں ہلاک تھیندے پئے ہیں۔“

لُوقا 8:24

اُنہاں کولھ آ تے اُونکُوں جگایا تے آکھیا، ”مالک، مالک، اساں ہلاک تھیندے پئے ہیں!“ اُوں اُٹھی تے ہوا تے پانڑی دے زور شور کُوں دَڑکا ڈِتا۔ ڈوہائیں جھلیج گئے تے سکون تھی گِیا۔

عبرانیوں 2:17

اِیں واسطے ضروری ہا جو او ہر لحاظ نال آپنڑے بِھرانواں وانگُوں بنڑے، تاں جو او خُدا دی خدمت کریندے ہوئے ہِک رحم دل تے وفادار کاہِن ِ اعظم بنڑ تے اُنہاں دے گُناہاں دا کفارہ ڈے سگے۔

یُوحنّا 4:6

تے یعقُوب دا کُھوہ اُتھائیں ہا۔ یسُوع سفر کنُوں تھک تے اُوں کُھوہ اُتے بہہ گِیا۔ ایہ ڈوپہر دا ویلا ہا۔

متّی 22:16

بس اُنہاں آپنڑے شاگرداں کُوں ہیرودیس دے پیروکاراں نال اُوندے کولھ بھیجیا تے اُنہاں آکھیا، ”اُستاد! اساں جانڑدے ہیں جو تُساں سچے ہیوے تے سچائی نال خُدا دی راہ دی تعلیم ڈیندے ہیوے، تے کہیں دی پرواہ نئیں کریندے کیوں جو تُساں کہیں بندے دے طرفدار نئیں۔

مرقس 4:37

تے وڈی اندھاری گُھلی تے پانڑی دیاں چھلاں کشتی نال زور نال ٹکراوݨ لگ گئیاں تے اُوندے ءچ پانڑی بھریجنڑ لگا۔

مرقس 4:39

اُوں جاگ تے ہوا کُوں دَڑکا ڈِتا تے جھیل کُوں آکھیا، ”خاموش تھی! رُک وَنج!“ بس ہوا رُک گئی تے بالکل سکون تھی گِیا۔