مرقس 4:24 - کِتاب مُقدّس سرائیکی ترجمہ

²⁴ وَل اُوں اُنہاں کُوں آکھیا، ”جیہڑا کُجھ تُساں سُنڑدے ہیوے غور نال سُنڑو۔ جیہڑے تھاں نال تُساں نپیندے ہیوے اُوندے نال ای تُہاڈے کیتے ناپیا ویسی بلکہ تُہاکُوں زیادہ ڈِتا ویسی۔

مرقس 4:24 Referans Kwoze

عبرانیوں 2:1

اِیں واسطے لازم ہے جو جیہڑا کلام اساں سُنڑے، اُوندے اُتے بِیا وی غور کرُوں، کِتھائیں اِینویں نہ تھیوے جو اساں وَیہہ تے اُوندے کنُوں دُور لگے ونجُوں۔

لُوقا 8:18

بس خبردار راہو جو تُساں کِینویں سُنڑدے ہیوے، کیوں جو جیندے کولھ ہے اُونکُوں ڈِتا ویسی، تے جیندے کولھ کُجھ نئیں، اُوندے کنُوں او وی جیہڑا اُوندے کولھ ہے گِھن گِھدا ویسی۔“

متّی 7:2

کیوں جو جِینویں تُساں عیب جوئی کریندے ہیوے اُونویں ای تُہاڈی وی عیب جوئی کیتی ویسی، تے جیہڑے تھاں نال تُساں نپیندے ہیوے اُوندے نال ای تُہاڈے کیتے ناپیا ویسی۔

اعمال 17:11

ایہ لوک تھِسّلُنِیکے دے لوکاں کنُوں زیادہ چنگے ہَن کیوں جو اُنہاں پیغام کُوں بہُوں شوق نال قبول کیتا تے او ہر روز خُدا دے کلام دا مطالعہ کریندے ہَن جو واقعی ایہ گالھیں اِینویں ای ہِن یا نئیں۔

2کُرِنتھِیوں 9:6

یاد رکھو جو جیہڑا تھوڑا رہیندے او تھوڑا کپیسی تے جیہڑا زیادہ رہیندے او زیادہ کپیسی۔

یُوحنّا 10:27

میڈیاں بھیڈاں میڈی اواز سُنڑدیاں ہِن تے مَیں اُنہاں کُوں جانڑدا ہاں تے او میڈے پِچُھوں پِچُھوں ٹُردیاں ہِن۔

یُوحنّا 5:25

مَیں تُہاکُوں سچ آدھا ہاں جو او وقت آندا پئے بلکہ آ گِیا ہے جِیں ویلے مُردے خُدا دے پوتر دی اواز سُنڑسن تے جیہڑے سُنڑسن او زندہ راہسن۔

مرقس 9:7

وَل ہِک بدّل اُنہاں اُتے چھاں کر ڈِتی تے اُوں بدّل ءچوں اواز آئی جو ”ایہ میڈا پیارا پوتر ہے، اِیندی سُنڑو۔“

یُوحنّا 10:16

میڈیاں بیاں وی بھیڈاں ہِن جیہڑیاں اِیں واڑے دیاں نئیں۔ میکُوں ضرور ہے جو مَیں اُنہاں کُوں وی گِھن آواں تے او میڈی اواز سُنڑسن۔ وَل ہِکو اِجڑ تے ہِکو آجڑی ہوسی۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

1 پطرس 2:2

نویں پیدا تھئے بالاں وانگُوں خالص رُوحانی کھیر دی خواہش ءچ راہو تاں جو اُوندے ذریعے آپنڑی نجات ءچ ودھدے ونجو۔