مرقس 2:18 - کِتاب مُقدّس سرائیکی ترجمہ

¹⁸ یُوحنّا دے شاگرد تے فریسی روزے نال ہَن۔ کُجھ لوک یسُوع کولھ آئے تے آکھیا، ”کیا وجہ ہے جو یُوحنّا تے فریسیاں دے شاگرد تاں روزہ رکھیندے ہِن پر تُہاڈے شاگرد روزہ نئیں رکھیندے؟“

مرقس 2:18 Referans Kwoze

لُوقا 18:12

مَیں ہفتے ءچ ڈُو پھیری روزہ رکھیندا ہاں تے آپنڑی ساری کمائی دا ڈاہواں حصہ ڈیندا ہاں۔‘

متّی 6:18

تاں جو بندہ نئیں بلکہ تیڈا اسمانی باپ جیہڑا نظر کنُوں لُکیا ہے، تیکُوں روزہ دار جانڑے۔ اِیں صورت ءچ تیڈا باپ جیہڑا نظر کنُوں لُکے ہوئے کم ڈیدھے، تیکُوں اجر ڈیسی۔

متّی 6:16

جِیں ویلے تُساں روزہ رکھو تاں منافقاں آلی کار آپنڑا مُنہ نہ بنڑاؤ، کیوں جو او آپنڑاں مُنہ وِگڑیندے ہِن تاں جو لوکاں کُوں پتہ لگے جو او روزے نال ہِن۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔

رومیوں 10:3

او اُوں راستبازی کنُوں واقف نہ ہَن جیہڑی خُدا دی طرفوں ہے بلکہ خود آپنڑی راستبازی کُوں قائم کرݨ دی کوشش کریندے ریہے، اِیں واسطے او خُدا دی راستبازی دے تابع نہ تھئے۔

متّی 23:5

او آپنڑے سبھ کم لوکاں کُوں ڈِکھاوݨ کیتے کریندے ہِن۔ او وڈے تعوِیذ پیندے ہِن، تے آپنڑی پُشاک دے گھیرے چوڑے رکھیندے ہِن۔

مرقس 2:19

یسُوع اُنہاں کُوں جواب ڈِتا، ”کیا براتی گھوٹ دی موجودگی ءچ روزہ رکھ سگدے ہِن؟ جِیں ویلے تئیں گھوٹ اُنہاں دے نال ہے او روزہ نئیں رکھ سگدے۔