مرقس 2:17 - کِتاب مُقدّس سرائیکی ترجمہ

¹⁷ یسُوع ایہ سُنڑ تے اُنہاں کُوں آکھیا، ”تندرُستاں کُوں حکیم دی لوڑ نئیں بلکہ بیماراں کُوں۔ مَیں راستبازاں کُوں نئیں بلکہ گُنہگاراں کُوں سڈݨ آیا ہاں۔“

مرقس 2:17 Referans Kwoze

لُوقا 15:7

مَیں تُہاکُوں آدھا ہاں جو اِینویں ای ودھانوے (99) راستبازاں دی نسبت جِنہاں کُوں توبہ کرݨ دی ضرورت کائنی، ہِک توبہ کرݨ آلے گُنہگار دی وجہ کنُوں اسمان اُتے زیادہ خوشی کیتی ویسی۔

لُوقا 19:10

کیوں جو اِبنِ آدم گُم تھئے ہوئیاں کُوں گولھنڑ تے نجات ڈیوݨ آیا ہے۔“

یُوحنّا 9:40

کُجھ فریسی جیہڑے اُوندے نال کھڑے ہَن ایہ سُنڑ تے پُچھنڑ لگے، ”کیا اساں وی اندھے ہیں؟“

لُوقا 15:10

مَیں تُہاکُوں آدھا ہاں جو اِینویں ای ہِک گُنہگار دے توبہ کرݨ نال خُدا دے فرشتیاں دے سامنڑے خوشی منائی ویندی ہے۔“

لُوقا 15:29

اُوں آپنڑے پِیُو کُوں جواب ءچ آکھیا، ’ڈیکھ، مَیں اِتنے سالہاں کنُوں تیڈی خدمت کریندا ہاں تے کڈھائیں تیڈی نافرمانی نئیں کیتی۔ پر تُوں میکُوں کڈھائیں بکری دا ہِک لیلا وی نئیں ڈِتا جو آپنڑے دوستاں نال خوشی منیندا۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

اعمال 20:21

مَیں یہُودیاں تے یُونانیاں ڈوہائیں دے سامنڑے گواہی ڈیندا ریہا ہاں جو او خُدا دو رجُوع کر تے توبہ کرݨ تے ساڈے خُداوند یسُوع المسیح اُتے اِیمان گِھن آوݨ۔

لُوقا 16:15

یسُوع اُنہاں کُوں آکھیا جو ”تُساں او ہیوے جیہڑے لوکاں دے سامنڑے آپنڑے آپ کُوں راستباز ظاہر کریندے ہیوے پر خُدا تُہاڈے دِلاں دی حالت کنُوں واقف ہے کیوں جو جیہڑی چیز آدمیاں دی نِگاہ ءچ اعلیٰ ہے او خُدا دے حضُور مکرُوہ ہے۔

متّی 18:10

خبردار اِنہاں چھوٹیاں ءچوں کہیں کُوں ناچیز نہ سمجھو کیوں جو مَیں تُہاکُوں آدھا ہاں جو اُنہاں دے فرشتے اسمان اُتے ہر ویلے میڈے اسمانی باپ دا مُنہ ڈیدھے ہِن۔

اعمال 26:20

بلکہ پہلے مَیں دمشق دے لوکاں ءچ، وَل یروشلیم تے سارے یہُودیہ دے راہنڑ آلیاں تے غیر قوماں ءچ وی تبلیغ کیتی جو او توبہ کرݨ تے خُدا دو رجُوع کرݨ، تے آپنڑے نیک عمل تُوں توبہ دا ثبوت ڈیوݨ۔

یُوحنّا 9:34

اُنہاں جواب ءچ آکھیا، ”تُوں تاں جمیّا ای گُناہ ءچ ہیں، تُوں ساکُوں کیا سکھیندیں؟“ تے اُنہاں اُونکُوں عبادت خانہ تُوں باہر کڈھ ڈِتا۔