مرقس 2:12 - کِتاب مُقدّس سرائیکی ترجمہ

¹² او اُٹھیا تے فوراً کَھٹ چا تے اُنہاں ساریاں دے سامنڑے لگا گِیا۔ او سارے حیران تھی گئے تے خُدا دی حمد کر تے آکھنڑ لگے، ”اساں اِینویں پہلے کڈھائیں نئیں ڈِٹھا۔“

مرقس 2:12 Referans Kwoze

متّی 9:33

جِیں ویلے او بدرُوح کڈھ ڈِتی گئی تاں گُونگا بولنڑ لگ پِیا تے لوکاں حیران تھی تے آکھیا جو ”ایجھا اِسرائیل ءچ کڈھائیں نئیں ڈِٹھا گِیا۔“

متّی 9:8

لوک ایہ ڈیکھ تے ڈر گئے تے خُدا دی حمد کرݨ لگے جئیں اِنسان کُوں ایجھا اِختیار بخشیا۔

لُوقا 7:16

وَل سبھ لوکاں اُتے دہشت چھا گئی تے او خُدا دی حمد کر تے آکھنڑ لگے جو ”ساڈے وچال ہِک وڈے نبی دا ظہور تھئے تے خُدا آپنڑے لوکاں اُتے نِگاہ کیتی ہے۔“

اعمال 4:21

عدالت آلیاں اُنہاں کُوں بِیا وی دھمکا تے چھوڑ ڈِتا کیوں جو لوکاں دے سببّوں اُنہاں کُوں سزا ڈیوݨ دا کوئی موقع نہ مِلیا۔ اِیں واسطے جو سارے لوک اُوں واقعے دے سببّوں خُدا دی تعریف کریندے ہَن۔

یُوحنّا 9:32

دُنیا دے شروع کنُوں اِینویں کڈھائیں نئیں سُنڑیا جو جماندرُو اندھے دے اکھیں کہیں کھول ڈِتیاں ہووݨ۔

یُوحنّا 7:31

پر بِھیڑ ءچوں بہُوں سارے اُوندے اُتے اِیمان گِھن آئے تے آکھنڑ لگے جو ”جِیں ویلے المسیح آسی تاں کیا او اِیں بندے کنُوں زیادہ معجزے ڈکھیسی؟“

لُوقا 17:15

وَل اُنہاں ءچوں ہِک ایہ ڈیکھ تے جو اُونکُوں شِفا مِل گئی ہے، اُچی اواز ءچ خُدا دی حمد کریندا وَل آیا،

لُوقا 13:13

وَل اُوں آپنڑے ہتھ اُوندے اُتے رکھے تے او اُونہی ویلے سِدھی تھی گئی تے خُدا دی حمد کرݨ لگ پئی۔

لُوقا 5:26

او سبھ حیران تھی گئے تے خُدا دی حمد کرݨ لگے۔ تے او بہُوں ڈر گئے تے آکھنڑ لگے جو اَج اساں عجیب گالھیں ڈِٹھیاں ہِن۔

مرقس 1:27

سارے لوک حیران تھئے تے ہِک ڈُوجھے کُوں آکھنڑ لگے ”ایہ کیا ہے؟ ایہ تاں نوِیں تعلیم ہے جیہڑی اِختیار نال ڈِتی ویندی پئی ہے۔ او بدرُوحاں کُوں حُکم ڈیندے تے او اُوندا حُکم منیندیاں ہِن۔“

متّی 15:31

جِیں ویلے لوکاں ڈِٹھا جو گُونگے بُولیندن، ٹُنڈے تندرُست تھیندن، منڈے ٹُردے ہِن تے اندھے ڈیدھے ہِن تاں بہُوں حیران تھئے تے بنی اِسرائیل دے خُدا دی تعریف کیتی۔

متّی 12:23

سارے لوک حیران تھی تے آکھنڑ لگے، ”کیا ایہ اِبنِ داؤد ہے؟“

مرقس 2:11

”مَیں تیکُوں آدھا ہاں جو اُٹھی تے آپنڑی کَھٹ چا تے گھر لگا وَنج۔“