مرقس 16:16 - کِتاب مُقدّس سرائیکی ترجمہ

¹⁶ جیہڑا اِیمان گِھن آوے تے بپتسمہ گِھنے او نجات پیسی، پر جیہڑا اِیمان نہ گِھن آوے او مُجرم کھڑایا ویسی۔

مرقس 16:16 Referans Kwoze

یُوحنّا 3:36

جیہڑا پوتر اُتے اِیمان گِھن آندے، ہمیشاں دی زندگی اُوندی ہے، پر جیہڑا پوتر دی نئیں منیندا، او زندگی کُوں نہ ڈیکھسی بلکہ اُوندے اُتے خُدا دا غضب راہسی۔

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

یُوحنّا 8:24

اِیں واسطے مَیں تُہاکُوں ڈسا ڈِتے جو تُساں آپنڑے گُناہاں ءچ مر سو، کیوں جو جے تُساں اِیمان نئیں گِھن آندے جو مَیں اُوہو ہاں تاں تُساں آپنڑے گُناہاں ءچ مرسو۔“

یُوحنّا 6:29

یسُوع جواب ڈِتا، ”خُدا دا کم ایہ ہے جو جِینکُوں اُوں بھیجیا ہے، اُوندے اُتے اِیمان گِھن آؤ۔“

یُوحنّا 3:5

یسُوع جواب ڈِتا، ”مَیں تیکُوں سچ آدھا ہاں جو جئیں تئیں کوئی بندہ پانڑی تے رُوح نال پیدا نہ تھیوے او خُدا دی بادشاہی ءچ داخل نئیں تھی سگدا۔

اعمال 10:43

سارے نبی اِیں بندے دے بارے ءچ گواہی ڈیندن جو جیہڑا کوئی اُوندے اُتے اِیمان گِھن آسی، اُوندے ناں نال گُناہاں تُوں معافی پیسی۔“

یُوحنّا 20:31

پر ایہ اِیں واسطے لِکھے گئے جو تُساں اِیمان گِھن آؤ جو یسُوع ای خُدا دا پوتر، المسیح ہے تے اِیمان گِھن آ تے اُوندے ناں ءچ زندگی پاؤ۔

مُکاشفہ 20:15

تے جئیں کہیں دا ناں کتاب ِ حیات ءچ لِکھیا ہویا نہ مِلیا، اُونکُوں بھاہ دی جھیل ءچ سَٹ ڈِتا گِیا۔

یُوحنّا 6:35

یسُوع اُنہاں کُوں آکھیا، ”زندگی دی روٹی مَیں ہاں۔ جیہڑا میڈے کولھ آسی کڈھائیں بُکھا نہ راہسی تے جیہڑا میڈے اُتے اِیمان گِھن آسی کڈھائیں ترِسّا نہ راہسی۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔

مرقس 1:15

او آکھنڑ لگا جو ”وقت پُورا تھی گِیا ہے تے خُدا دی بادشاہی نیڑے آ گئی ہے۔ توبہ کرو تے خوشخبری اُتے اِیمان گِھن آؤ۔“

اعمال 22:16

ہُنڑ کیجھی دیر؟ اُٹھی بپتسمہ گِھن، تے اُوندا ناں گِھن تے آپنڑے گُناہ دھو گِھن۔‘

یُوحنّا 6:40

کیوں جو میڈے بھیجنڑ آلے دی مرضی ایہ ہے جو جیہڑا کوئی پوتر کُوں ڈیکھے تے اُوندے اُتے اِیمان گِھن آوے او ہمیشاں دی زندگی پاوے تے مَیں اُونکُوں قیامت آلے ڈینہہ ولا زندہ کراں۔“

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

لُوقا 8:12

رستے دے کنارے آلے او لوک ہِن جیہڑے سُنڑدن۔ وَل ابلیس آ تے اُنہاں دے دل ءچوں کلام کُوں کڈھ تے گِھن ویندے، اِینویں نہ تھیوے جو اِیمان گِھن آوݨ تے نجات پاوݨ۔

متّی 28:19

اِیں واسطے تُساں ونجو تے ساریاں قوماں کُوں شاگرد بنڑاؤ تے اُنہاں کُوں باپ تے بیٹے تے رُوح القُدس دے ناں ءچ بپتسمہ ڈیؤ۔

مُکاشفہ 21:8

پر بُزدلاں، غیر اِیمانداراں، گندے کم کرݨ آلیاں، قاتلاں، حرام کاراں، جادُوگراں، بُت پرستاں تے سبھ کُوڑیاں دی جاہ بھاہ تے گندھک نال سڑن آلی جھیل ہوسی۔ ایہ ڈُوجھی موت ہے۔“

اعمال 13:39

تے جیہڑے گالھیں کنُوں تُساں مُوسیٰ دی شریعت دے ذریعے نجات نہ پا سگدے ہَوے، ہُنڑ مسیح اُتے اِیمان گِھن آوݨ دے ذریعے ہر کہیں کُوں نجات مِل سگدی ہے۔

رومیوں 4:24

بلکہ ساڈے کیتے وی جِنہاں کیتے اِیمان راستبازی شمار کیتا ویسی۔ کیوں جو اساں اُوں خُدا اُتے اِیمان گِھن آئے ہیں جئیں ساڈے خُداوند یسُوع کُوں مُردیاں ءچوں زندہ کیتا۔

2تھِسّلُنیکیوں 2:12

تے جِتّی لوک سچائی دا یقین نئیں کریندے بلکہ بُرائی کُوں پسند کریندے ہِن، او سبھ سزا پیسن۔

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

اعمال 13:46

پولُس تے برنباس دلیری نال آکھنڑ لگے ”لازم ہا جو خُدا دا کلام پہلے تُہاکُوں سُنڑایا ویندا پر کیوں جو تُساں اُونکُوں رَد کریندے ہیوے تے آپنڑے آپ کُوں ہمیشاں دی زندگی دے لائق نئیں سمجھدے تاں ڈیکھو اساں غیر قوماں دو توجہ کریندے ہیں۔

رومیوں 3:6

ہرگز نئیں۔ جے اِینویں تھیوے تاں خُدا دُنیا دا اِنصاف کِینویں کریسی؟