مرقس 16:14 - کِتاب مُقدّس سرائیکی ترجمہ

¹⁴ وَل یسُوع اُنہاں یارہاں شاگرداں اُتے جِیں ویلے او کھانڑا کھاوݨ بیٹھے ہَن ظاہر تھیّا۔ اُوں اُنہاں دی بےاعتقادی تے سخت دِلی اُتے اُنہاں کُوں ملامت کیتی، کیوں جو جِنہاں اُوندے زندہ تھیوݨ تُوں بعد اُونکُوں ڈِٹھا ہا اُنہاں، اُنہاں دا یقین نہ کیتا ہا۔

مرقس 16:14 Referans Kwoze

1کُرِنتھِیوں 15:5

تے پطرس کُوں تے ولا بارہاں شاگرداں کُوں ڈِکھالی ڈِتا۔

مُکاشفہ 3:19

مَیں جِنہاں نال پیار کریندا ہاں، اُنہاں کُوں ملامت کریندا تے سزا ڈے تے اُنہاں دی تربیت وی کریندا ہاں۔ اِیں واسطے ہوشیار تھی، تے توبہ کر۔

یُوحنّا 20:27

وَل اُوں توما کُوں آکھیا، ”آپنڑی انگل اِتھاں رکھ تے میڈے ہتھاں کُوں ڈیکھ تے آپنڑا ہتھ ودھا تے میڈی پسلی ءچ پا۔ بےاعتقاد نہ تھی بلکہ اعتقاد رکھ۔“

متّی 11:20

وَل یسُوع اُنہاں شہراں کُوں ملامت کرݨ لگا جِنہاں ءچ اُوں بہُوں سارے معجزے کیتے ہَن کیوں جو اُنہاں توبہ نہ کیتی ہئی۔ اُونیں آکھیا،

لُوقا 24:25

یسُوع اُنہاں کُوں آکھیا، ”نادانو تے نبیاں دے سبھ گالھیں کُوں مننڑ ءچ سُست لوکو!

مرقس 7:18

اُوں اُنہاں کُوں آکھیا، ”کیا تُساں وی ایجھے بے سمجھ ہیوے؟ کیا تُساں نئیں سمجھدے جو جیہڑی چیز باہر کنُوں اِنسان دے اندر ویندی ہے او اُونکُوں ناپاک نئیں کر سگدی۔

متّی 17:20

یسُوع اُنہاں کُوں جواب ڈِتا، ”آپنڑے اِیمان دی کمی دی وجہ کنُوں۔ کیوں جو مَیں تُہاکُوں سچ آدھا ہاں جو جے تُہاڈے ءچ رائی دے دانڑے دے برابر وی اِیمان ہوسی تاں تُساں اِیں پہاڑ کُوں آکھ سگسو جو ’اِتُھوں کنُوں اُتھاں کِھسک وَنج،‘ تاں او کِھسک ویسی تے تُہاڈے کیتے کوئی کم نا ممکن نہ ہوسی۔

متّی 28:17

اُنہاں اُونکُوں ڈیکھ تے سجدہ کیتا پر کُجھ شک کیتا۔

لُوقا 24:11

پر شاگرداں کُوں ایہ گالھیں خیالی قِصے وانگُوں لگیاں تے اُنہاں، عورتاں دا یقین نہ کیتا۔

یُوحنّا 20:25

باقی شاگرداں اُونکُوں ڈسایا جو اساں خُداوند کُوں ڈِٹھے۔ پر اُوں اُنہاں کُوں آکھیا، ”جئیں تئیں مَیں اُوندے ہتھاں ءچ کِیلاں دے سوراخ نہ ڈیکھ گِھناں تے آپنڑی انگل اُنہاں ءچ نہ پا گِھناں تے آپنڑا ہتھ اُوندی پسلی ءچ نہ پا گِھناں، اُوں ویلے تئیں یقین نہ کریساں۔“

یُوحنّا 20:26

اَٹھ ڈینہہ بعد یسُوع دے شاگرد ہِک پھیری ولا گھر دے اندر ہَن تے توما وی اُنہاں دے نال ہا۔ دروازے بند ہَن، پر یسُوع آ تے اُنہاں دے وچال کھڑا تھی گِیا تے آکھیا، ”تُہاڈی سلامتی ہووے!“

یُوحنّا 21:1

اِنہاں گالھیں دے بعد یسُوع ہِک پھیری وَل آپنڑے آپ کُوں شاگرداں اُتے تِبریاس دی جھیل دے کنارے ظاہر کیتا۔ تے اِینویں ظاہر کیتا۔

یُوحنّا 21:14

یسُوع مُردیاں ءچوں زندہ تھی ونجنڑ دے بعد ایہ تریجھی پھیری آپنڑے شاگرداں اُتے ظاہر تھیّا۔

اعمال 1:3

ڈُکھ سہنڑ تُوں بعد اُوں آپنڑے آپ کُوں رسُولاں اُتے ظاہر کر تے، آپنڑے زندہ ہووݨ دے بہُوں سارے ثبوت ڈِتے۔ چالیہہ ڈینہہ تئیں او اُنہاں کُوں نظر آندا تے خُدا دی بادشاہی دے بارے ءچ ڈسیندا ریہا۔