مرقس 16:10 - کِتاب مُقدّس سرائیکی ترجمہ

¹⁰ اُوں وَنج تے اُوندے ساتھیاں کُوں جیہڑے غم پارُوں روندے تے ماتم کریندے ہَن، خبر ڈِتی۔

مرقس 16:10 Referans Kwoze

یُوحنّا 20:18

مریم مگدلینی شاگرداں دے کولھ آ تے اُنہاں کُوں خبر ڈِتی جو مَیں خُداوند کُوں ڈِٹھے تے اُوں میڈے نال ایہ گالھیں کیتیاں ہِن۔

یُوحنّا 16:6

بلکہ تُہاڈا دل غم نال بھریج گِیا کیوں جو مَیں ایہ گالھیں تُہاکُوں آکھیاں،

لُوقا 24:17

یسُوع اُنہاں کُوں آکھیا، ”تُساں آپس ءچ کیا گالھیں کریندے ویندے ہیوے؟“ او پریشان کھڑے تھی گئے۔

مرقس 14:72

تے فوراً کُکڑ ڈُوجھی پھیری بانگ ڈِتی۔ پطرس کُوں او گالھ جیہڑی یسُوع اُونکُوں آکھی ہئی یاد آئی جو ”کُکڑ دے ڈُو پھیری بانگ ڈیوݨ کنُوں پہلے تُوں ترے پھیری میڈا اِنکار کریسیں۔“ تے اِیں اُتے غور کر تے او رو پِیا۔

متّی 9:15

یسُوع اُنہاں کُوں آکھیا، ”کیا براتی جِیں ویلے تئیں گھوٹ اُنہاں دے نال ہے ماتم کر سگدے ہِن؟ پر او ڈینہہ آسن جڈاں گھوٹ اُنہاں تُوں جُدا کیتا ویسی۔ اُوں ویلے او روزہ رکھیسن۔

متّی 24:30

اُوں ویلے اِبنِ آدم دا نشان اسمان اُتے ظاہر تھیسی، تے دُنیا دیاں سبھ قوماں چھاتی پِٹسن تے اِبنِ آدم کُوں بدلاں اُتے قُدرت تے وڈے جلال نال آندے ڈیکھسن۔

متّی 19:22

پر او جوان ایہ گالھ سُنڑ تے غمگین تھی تے چلیا گِیا کیوں جو بہُوں مالدار ہا۔