مرقس 15:46 - کِتاب مُقدّس سرائیکی ترجمہ

⁴⁶ اُوں ہِک لینن دی چادر مُل گِھدی تے لاش کُوں لہا تے اُوں چادر ءچ کفنایا۔ تے ہِک قبر ءچ رکھ ڈِتا جیہڑی چٹان ءچ کھودی گئی ہئی تے قبر دے مُنہ اُتے ہِک پتھر ریڑھ ڈِتا۔

مرقس 15:46 Referans Kwoze

یُوحنّا 11:38

یسُوع بہُوں ڈُکھی دل نال قبر اُتے آیا۔ او ہِک غار ہئی تے اُوندے اگُوں ہِک پتھر رکھیا ہویا ہا۔

لُوقا 23:53

تے اُونکُوں لہا تے مہین چادر ءچ ولھیٹیا تے اُونکُوں ہِک قبر ءچ جیہڑی چٹان ءچ کھودی گئی ہئی، رکھ ڈِتا۔ اُوں قبر ءچ پہلے کوئی نہ رکھیا گِیا ہا۔

متّی 28:2

تے ڈیکھو ہِک وڈا زلزلہ آیا کیوں جو رب دا فرشتہ اسمان کنُوں لتھا تے قبر دے کولھ وَنج تے پتھر کُوں ریڑھ ڈِتا تے اُوندے اُتے بہہ گِیا۔

مرقس 15:45

جِیں ویلے صوبیدار کنُوں حقیقت دا پتہ چلیا تاں لاش یُوسف کُوں ڈے ڈِتی۔

مرقس 15:47

تے مریم مگدلینی تے یوسیس دی ماء مریم ڈیدھیاں پئیاں ہَن جو اُونکُوں کِتھاں رکھیا گِیا ہے۔

یُوحنّا 11:41

بس اُنہاں پتھر کُوں ہٹا ڈِتا۔ وَل یسُوع اسمان دو اکھیں چا تے آکھیا، ”باپ! مَیں تیڈا شُکر کریندا ہاں جو تُوں میڈی سُنڑ گِھدی۔

یُوحنّا 20:1

ہفتے دے پہلے ڈینہہ سویل نال جِیں ویلے حالی اندھارا ای ہا، مریم مگدلینی قبر اُتے آئی تے ڈِٹھا جو پتھر قبر دے مُنہ کنُوں ہٹیا ہویا ہے۔