مرقس 15:3 - کِتاب مُقدّس سرائیکی ترجمہ

³ وَل سردار کاہِن اُوندے اُتے بہُوں سارے گالھیں دا اِلزام لیندے ریہے۔

مرقس 15:3 Referans Kwoze

یُوحنّا 19:12

اِیندے بعد پِیلاطُس اُونکُوں چھوڑ ڈیوݨ دی کوشش کیتی پر یہُودی چیخ چیخ تے آکھنڑ لگے جو ”جے تُوں اِیں بندے کُوں چھوڑ ڈیسیں تاں تُوں رومی بادشاہ قیصر دا خیر خواہ نئیں۔ جیہڑا کوئی آپنڑے بادشاہ ہووݨ دا اعلان کریندے تاں او قیصر دا مخالف ہے۔“

مرقس 15:5

یسُوع وَل وی کُجھ جواب نہ ڈِتا، ایہ تئیں جو پِیلاطُس بہُوں حیران تھیّا۔

متّی 27:12

پر جِیں ویلے سردار کاہِن تے بزُرگ اُوندے اُتے اِلزام لیندے پئے ہَن تاں اُوں کُجھ جواب نہ ڈِتا۔

مرقس 15:2

پِیلاطُس اُوں کنُوں پُچھیا، ”کیا تُوں یہُودیاں دا بادشاہ ہیں؟“ یسُوع جواب ءچ آکھیا، ”ایہ تُوں خود آدھیں۔“

مرقس 15:4

پِیلاطُس اُونکُوں ولا پُچھیا جو ”تُوں کوئی جواب نئیں ڈیندا؟ ڈیکھ ایہ تیڈے اُتے کتنے اِلزام لیندے پئے ہِن۔“